I. Inyan 4:10 - Dakota Wowapi Wakan Kin

¹⁰ Taku wicaqupi kin wicaśta otoiyohi icu kin he iyecen iyakitedan okinikiciciya po, tona Wakantanka towaonśida ocaje ota tanyan yuhapi kin iyececa.

I. Inyan 4:10 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Mattheos 24:14

Unkan wokiconze wotanin waśte kin de maka kin owancaya oyakapi kta, oyate owasin en wotanin un kta; qa hehan owihanke kta.

Mattheos 24:21

Hehan wokakije tanka kte, maka kagapi kin ehantanhan dehanyan taku hecece śni, qa nakun tohinni tokata ekta hecece kte śni.

Mattheos 24:45

Tuwe wowidake owotanna qa wayupika, itancan tawa tipi awanyagkiya, tohan iyehantu eca wo wicaqu ece e kta.

Mattheos 25:17

Qa tuwe nom icu qon iś eya iyecen nom nakun kamna.

Mattheos 25:44

Hehan ayuptapi qa heciyapi kta; Itancan, tohinni wotekteyahda, qa inipuza, qa wicaśta tokeca yaun, qa tanconikadan, qa waniyazanka, qa kaśka nihnakapi yaun wanunniyakapi, qa ounniciyapi śni he.

Markos 10:45

Wicaśta Cinhintku kin hee kaeś waokiyapi kta hi śni, tuka waowicakiye kta, qa wicota opewicakitonpi kta on wiconi tawa eḣpeye kta on hi.

Lukas 12:42

Unkan Itancan kin heya; Ookiye wanji waawanyagkiyapi kin he wayupike, c̣a okiksape cinhan, yuhe cin tiwahe kin yuhekiye kta, qa hecen iyehanyan wo wicaqu ece e kte cin he tuwe he.

Lukas 19:13

Unkan taokiye wikcemna wicayuhe cin, hena wicakico, qa mazaska tkeutapi wikcemna wicaqu, qa hewicakiya; Tohanyan wahdi śni hehanyan un po.

Lukas 8:3

Qa Joanna, Cuza Herod waawanyagkiye ciqon he tawicu, qa Susanna, qa nakun toktokeca ota, hena woyuha yuhapi kin on okiyapi ece.

Roma 15:25

Tuka nakaha Jerusalem ekta mda, tona owotanna un kin hena owicawakiye kte cin heon.

Roma 15:27

Hecon iyokipipi; taku iwicakicazopi kin iyecen unpi nakaeś. Hena taku wakan yuhapi qon en Ikcewicaśta opapi hecinhan, taku wicaceḣpi ekta un kin hena on itkom owicakiyapi kta iyececa.

I. Korinth 15:10

Tuka tomakece cin Wakantanka towaonśida kin on hemaceca. Qa iye towaonśida mici un kin he taku śni wanica, tuka hena owasin iyakapeya nina ḣtawani; qa he miye śni, Wakantanka towaonśida mici un kin hee.

I. Korinth 3:10

Wakantanka towaonśida maqupi kin eciyatanhan wicaśta ticaga ksape cin iyecen, taku ahehde kin ewahde, qa he akan wicaśta tokeca tipi kaga; tuka otoiyohi token ticage cin he on waktaya un kte.

I. Korinth 4:7

Tuwe hecen iyotan nicaga he; qa taku nic̣upi śni kin tukte e duha he. Qa nic̣upi kinhan tokeca nic̣upi śni kin iyecen on iniwinkta he.

II. Korinth 6:1

Heon iye kici ḣtaunnipi iyecen, niyepi nakun ceunniciyapi ce, ituḣ Wakantanka towaonśida kin iyacupi kte śni.

II. Korinth 9:1

Wicaśta owotanna owicakiyapi kte cin on wowapi cicagapi kta wanna iyecece śni.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Ephesos 4:11

Unkan apa yewicaśipi kin heca wicaqu, qa wicaśta wokcan wanjikji, qa wotanin waśte oyakapi kte cin wanjikji, qa waawanhdakapi waonspekiya ko wanjikji;

II. Timotheos 1:18

He anpetu kin he en Itancan kin etanhan wowaonśida iyeye kta e Itancan okihikiya nunwe; Ephesos ekta taku tona on omakiye ciqon he tanyan sdonyaya.

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

I. Inyan 5:12

Siluanos nihunkawanjipi wan wacinyepica wadake cin on wowapi ptecedan cicagapi; wahokonciciyapi qa wociciyakapi, Wakantanka towaśte wicakapi en nayajinpi kin he dee ce.