I. Inyan 3:8 - Dakota Wowapi Wakan Kin

⁸ Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.

I. Inyan 3:8 ပူးပေါင်းရင်းမြစ်များ

Mattheos 18:33

Hecen miye onśioida kin he iyecen kici wowidake yaun kin iś eya onśiyakida kta iyecece śni he.

Lukas 10:33

Unkan Samariya wicaśta wanji icimani un, he wanke cin en hi; qa wanyake c̣ehan onśida;

Olianyanpi kin 2:1

Anpetu iwikcemna zaptan kin wanna iyehantu, unkan owasin tawacin wanjidan witaya yukanpi.

Olianyanpi kin 27:3

Unkan ihanḣanna qehan, Sidon en unkihunnipi. Unkan Julios Palos tanyan okiciḣan, takuwicaye cin ekta wicai, qa hena etanhan taku yuhe kta e iyowinkiya.

Olianyanpi kin 28:7

Unkan hen ikiyedan, wita kin ohna wicaśta tokapa, Publios eciyapi kin he makoce onśpa yuha; unkan he tin hiyu unśipi, qa anpetu yamni hehanyan tanyan wo unqupi.

Olianyanpi kin 4:32

unkan wicota wicadapi kin hena wicacante wanjidan wicanagi wanjidan ko yuhapi; qa taku tonpi kin tuwedan, De mitawa ce, eye śni; tuka taku owasin witaya yuhapi.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 15:5

Wakantanka wicowaḣbadan, wicakicanpte ko yuhe cin he Jesus Messiya eciyatanhan, otoiyohi okonwanjidan wacin en kiciyus niyanpi nunwe.

I. Korinth 1:10

Mihunkawanji, Jesus Messiya Itancan unkiyapi cajeyan ceciciyapi ce; owasin okonwanjidan oie yetonpi, qa yuomdecapi wanin yaunpi kta, qa wicotawacin eca wanjidan wiyukcanpi ko wanjidan tanyan onspe yaunpi kte.

I. Korinth 12:26

Qa hecen huha wanjidan iyotanhan iyekiye cinhan, he kici huha kin iyuḣpa iyotanhan iyekiyapi kta; qa huha wanjidan yuonihanpi kinhan he kici huha kin iyuhpa iyuśkinpi kta.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Ephesos 4:31

Wicokige owasin, qa wocantiyahde, qa wośihda, qa iwaśicunpi, qa waaiapi canniyekiciyapi ko owasin eḣpeyayapi nunwe.

Ephesos 4:32

Qa otoiyohi okiciciyapi, qa cantekiciyapi, qa otoiyohi kicicajuju po, Wakantanka Messiya on nicicajujupi kin he iyecen.

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

Philippi 3:16

Tuka tohan iyounhipi kin he en woope wanjidan eciyatanhan maunnipi, qa okonwanjidan awauncinpi kte.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

Hebrew 13:1

Hunkawanjinkiciyapi waśtekicidapi kin he ecen un nunwe.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

Jakob 5:11

Wanyaka po, tona wacintankaya unpi kin hena waśte kecanwicunkinpi ece. Job token wacintanka qon he nayaḣonpi, qa Itancan owihankeye cin he wandakapi; Itancan kin waonśida qa wawacinkta yuza tanka.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 2:17

Owasin wicayuonihan po. Hunkawanjinkiciyapi kin waśtekida po. Wakantanka kokipa po. Wicaśtayatapi kin yuonihan po.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.

II. Inyan 1:7

Qa taku wakan iyececapi kin en waśtekicidapi; qa waśtekicidapi kin en wacantkiyapi ikoyagya po.

I. Johannes 3:14

Hunkawanjinkiciyapi waśtewicunkidapi kin heon wiconṭe etanhan wiconi e ekta unkiyohipi sdonunkiyapi; tuwe hunkawanjitku waśtekida śni kin he wiconṭe ehna un.