I. Inyan 3:4 - Dakota Wowapi Wakan Kin

⁴ Tuka wicaśta mahentanhan cante kin ekta, taku ḣwinpica śni kin, tawacin waḣbadan qa inina un, he Wakantanka itokam taku teḣike cin ee.

I. Inyan 3:4 ပူးပေါင်းရင်းမြစ်များ

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Mattheos 21:5

Zion cunwintku kin heciya po; Iho, Wicaśtayatapi nitawa en niu, waḣbadan qa śonśonna wan akan iyotanka, śukcinca wan, śonśonna cinca kin akan u ce.

Mattheos 23:26

Pharisee iśtagonge, tokaheya wiyatke wakśica ko mahentanhan ska kaga wo, kinhan akantanhan he nakun ska kta.

Mattheos 5:5

Tona onśiḣanpi kin hena wicayawaśtepi; maka kin de tawapi kta.

Lukas 11:40

Winitkotkopike cin, akapatanhan un kin he tuwe kaga hecinhan, he iś mahen un kin nakun kage śni he.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Roma 1:23

Qa Wakantanka ṭepica śni towitan kin he wicaśta ṭe kte cin ouncage kin iyecen yutokecapi, qa zitkadan, wahutopa, watutka kin hena koya.

Roma 2:29

Tuka tuwe mahen tanhan hecece cin he Juda wicaśta kin hee, qa bakiḣdayapi kin he oowa kin en he śni, tuka wicanagi kin en un kin hee; he wowitan kin wicaśta akantu eciyatanhan śni, tuka Wakantanka eciyatanhan un.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

Roma 7:22

Wicaśta mahentu kin eciyatanhan Wakan tanka toope kin on imduśkin:

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 4:16

Heon wncin ibounśakapi śni, tuka wicaśta akantanhan unkitawapi kin he takuni śni ay a eśta, wicaśta mahen tanhan un kin he anpetu iyohi yutecapi.

Galatia 5:23

Wicotawacin waśte, qa iyatahde ic̣iyapi śni hena ee; qa taku hecece cin woope kin tuktedan iyamya un śni.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

Kolosse 3:3

Niṭapi, qa nitowiconi kin he Messiya kici, Wakantanka en naḣmanpi.

I. Thessalonike 4:11

Ito owanji dukanpi kta, qa taku tin nicihe cin he yahduśtanpi, qa niye ninapepi kin on ḣtayanipi kta e aic̣iciya po, econ unniśipi qon iyecen;

II. Thessalonike 3:12

Tona hececapi kin hena Jesus Messiya Itancan unkiyapi kin etanhan wahokonwicunkiyapi, qa econ wicunśipi, ainina ḣtanipi, qa aguyapi tawapi kin ecedan hdutapi kta.

I. Timotheos 2:2

Wicaśtayatapi kin hena on, qa tona itancan unpi kin owasin on, hecen woohodapi owasin qa wicoḣan owotanna kin en, owanjidan unkanpi qa wikope śni unnipi kta.

II. Timotheos 2:25

Qa tona tokaic̣iya unpi kin hena iwahnana wahokonwicakiye kta, okinni Wakantanka ihduecetupi wicaqu kta, hecen wowicake kin iyukcanpi kta.

Titos 3:2

Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

I. Inyan 1:23

Piya icaḣniyanpi, oicage kuke kte cin etanhan śni, tuka kukepica śni kin on, Wakantanka oie kin ni un qa owihanke wanice kte cin hee on.

I. Inyan 3:15

Tuka nicantepi kin en Wakantanka Itancan kin wakanda po; qa tuwe wowacinye en niunpi kin on iniwangapi kinhan, waḣbayedan kokipeyahan aduptapi kta e ohinniyan wiyeya yanka po;