I. Inyan 3:18 - Dakota Wowapi Wakan Kin

¹⁸ Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Inyan 3:18 ပူးပေါင်းရင်းမြစ်များ

Mattheos 27:19

Unkan woyaco oiyotanke kin akan kiyotanka hehan tawicu kin tuwe en uśi, qa heciya; Wicaśta owotanna kin he takudan ecakicon śni we, on anpetu kin de wiwahamna en nina mayuśinyaya ce.

Mattheos 27:24

Hecen Pilate takudan okihi śni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicaśta owotanna kin de we kin miye en amaupi kte śni; niye ito wanyaka po.

Johannes 16:10

Woowotanna kin, Atewaye cin ekta wahde kta, qa icimana wanmayadakapi kte śni, heon:

Olianyanpi kin 22:14

Hehan iye heya; Hunkake wicunyanpi Wakantanka tawapi kin nicaḣniga, iye tawacin kin sdonyaye kta, qa Wanji Owotanna kin wandake c̣a, he i kin eciyatanhan ho kin nayaḣon kta;

Olianyanpi kin 3:14

Tuka Wanji Wakan qa Owotanna un kin he niye yakipajinpi, qa wicakte sa wan kiyuśkapi yacinpi.

Roma 1:4

Qa wowaśake on Wakantanka Cinhintku kin hee e yuotaninpi, Woniya Wakan kin eeiyatanhan, wiconṭe etanhan piya ikicage cin he en;

Roma 4:25

Iye waunḣtanipi kin on wicaqupi, qa owotanna unyawapi kte cin on ake najinkiyapi qon.

Roma 5:2

Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Roma 8:11

Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

II. Korinth 1:24

Wacinyuyapi kin on wowidag unniyanpi śni, tuka widuśkinpi kin en ounniciyapi kta. Wacinyanpi on sutaya nayajinpi ece.

II. Korinth 13:4

He iye wowaśake śni on can susbeca kin en okatanpi eśta, Wakantanka towaśake kin on ni un. Heon unkiś eya waunśakapi śni, tuka niyepi kin ekta Wakantanka towaśaae kin on kici unnipi kta.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Galatia 3:13

Woope woyaco kin etanhan Messiya eunhdakupi, unkiyepi on iye woyaco ikicaga. Wowapi en hecen kagapi, Tona can en otkeyapi kin hena owasin yacopi ce.

Ephesos 3:12

Iye wacinunyanpi kin eciyatanhan, kokipeśniyan ekta unkipi, qa waditagya unkiapi ece.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 10:10

He iye tawacin kin ee on unyuecepidan, Jesus Messiya tancan wancadan wayuśnapi kin he eciyatanhan.

Hebrew 9:14

Sam iyeya Messiya, Woniya owihanke wanice cin eciyatanhan, Wakantanka en iyaonpepica śni waihduśna qon, he iye we kin, wiconṭe wicoḣan kin etanḣan nagi nipakintapi kta, Wakantanka ni un kin wowidag niyanpi kte cin heon.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

Jakob 5:6

Wicaśta owotanna kin he dacopi qa yaktepi; tuka nicipajinpi śni.

I. Inyan 3:19

Nakun he on ekta ye c̣a wicanagi wicakaśka tipi ohna unpi kin hena wowicakiyaka;

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

I. Inyan 4:6

Heon etanhan, nakun tona ṭapi kin hena wotanin waśte owicakiyakapi qon, hecen wicaśta wicaceḣpi en un kin iyecen wicayacopi eśta woniya en Wakantanka eciyatanhan nipi kta.

I. Johannes 1:9

Tuka waunḣtanipi kin unkohdakapi kinhan, iye kin wacinyepica qa owotanna un, hecen woaḣtani yutokan iyeunkiciciyapi kta, qa taku śica owasin unkipakintapi kta.