I. Inyan 3:14 - Dakota Wowapi Wakan Kin

¹⁴ Tuka owotanna oḣanyanpi kin on śicaya nicuwapi kinhan, he wowaśte; hecen wokokipe tawapi kin kokipapi śni, qa cante hahayedan yankapi śni po:

I. Inyan 3:14 ပူးပေါင်းရင်းမြစ်များ

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Mattheos 10:31

Heon etanhan kopehdapi śni po; zitkadan ota isanpa niyawapi ece.

Mattheos 10:39

Tuwe wiconi tawa kpatan kinhan, he toki eḣpekiye kta; qa tuwe miye on etanhan wiconi tawa kpagan kinhan, he kpatan kte cin ee.

Mattheos 16:25

Tuwe kaśta wiconi tawa kpatan kinhan, he toki eḣpekiye kta; qa tuwe miye on wiconi tawa kin kpagan kinhan, he iyeye kta.

Mattheos 19:29

Qa tuwe kaśta, tipi, qa hunkawanjitku, qa tawinoḣtin, qa atkuku, qa hunku, qa tawicu, qa cinca, qa maga, micaje on etanhan eḣpeye cinhan, he opawinge akihde hduhe kta, qa nakun owihanke wanin wiconi mnaiciye kta.

Markos 10:29

Jesua waayupte c̣a heya; Awicakehan heciciyapi, tuwe, miye qa wotanin waśte kin on, tipi qa hunkawanjitku, qa tawinoḣtin, qa atkuku, qa hunku, qa tawicu, qa cinc̣a, qa makoce eḣpeye cinhan;

Markos 8:35

Tuwe wiconi tawa teḣinda kinhan he toki eḣpekiye kta; tuka tuwe miye on qa wotanin waśte kin on wiconi toki eḣpekiye cinhan, he qe wiconi hduhe kta.

Johannes 14:1

Ihnuhan eante niśicapi kinhan; Wakantanka wicayadapi, qa miś nakun wicamayadapi.

Johannes 14:27

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

Olianyanpi kin 9:16

Qa micaje kin on taku token kakije kte cin he wakipazo kta ce, eya.

II. Korinth 12:10

Heon etanhan wowayazan kin en imduśkin ece, qa waaiapi, qa iwicakakije, qa śicaya wicakuwapi, qa Messiya on wicokakije kin henakiya en; tohan wamaśake śni eca taku owakihi ece.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 5:11

Wanyaka po, tona wacintankaya unpi kin hena waśte kecanwicunkinpi ece. Job token wacintanka qon he nayaḣonpi, qa Itancan owihankeye cin he wandakapi; Itancan kin waonśida qa wawacinkta yuza tanka.

I. Inyan 3:6

Hecen Sara Abraham anakigoptan, qa, Itancan, eciya ece; he cunkśiwicaye cin hena niyepi, tanyan ecanonpi qa wokokipe takudan on niyuśinyayapi śni kinhan.