I. Inyan 3:11 - Dakota Wowapi Wakan Kin

¹¹ Taku śice cin okamna kta, qa taku waśte e econ kta; wookiye akite c̣a kuwa aye kta ce.

I. Inyan 3:11 ပူးပေါင်းရင်းမြစ်များ

Mattheos 5:45

Hecen Ateyayapi maḣpiya ekta un kin he cincaniyanpi yaunpi kta; he qe anpetu wi tawa kin wicaśta śica wicaśta waśte ko en awicahinanpeya ece, qa wicaśta owotanna owotanna śni ko awicamagajuya ece.

Mattheos 5:9

Tona wookiye kagapi kin hena wicayawaśtepi; hena Wakantanka cinca ewicakiyapi kta.

Mattheos 6:13

Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Markos 14:7

Waḣpanicapi kin ohinniyan wicayahduhapi, qa tohan yacinpi kinhan tanyan ecawicayeconpi kta oyakihipi; tuka miye ohinniyan mayaduhapi śni.

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Lukas 6:9

Unkan Jesus hewicakiya; Miś ito taku wanji iciwangapi kta; Anpetu wakan icunhan taku waśte, qa iś taku śica econpi kta he; wanikiyapi, qa iś waṭeyapi kta, unma tukte hecetu he, eya.

Johannes 17:15

Oyate kin detanhan ewicayahdaku kta e heon wocekiye eciciye śni, tuka taku śice cin he en anawicayecipte kta e heon.

Roma 12:18

Tohanyan oyakihipi kinhan, wicaśta owasin om wookiye yakon po.

Roma 14:17

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

Roma 14:19

Heon etanhan taku tona wookiye kage cin hena unkakitapi kta qa nakun taku on otoiyohi icaḣ unkiciciyapi kta.

Roma 5:1

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan.

Roma 7:19

Taku waśte wacin kin he ecen ecamon śni; tuka taku śica wacin śni kin hee ecen ecamon ece.

Roma 7:21

Hecen woope wanji iyewakiya, taku waśte ecamon wacin eca, taku śica miye en miciun ece.

Roma 8:6

Wicaceḣpi awacinpi kin he wiconṭe kin ee; tuka Woniya awacinpi kin he wiconi qa wookiyo kin hee.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Galatia 6:10

Heon tohanyan unkokihipi kinhan, wicaśta owasin taku waśte ecawicunkiconpi kta, qa wacinyanpi tiyohnaka kin hena iyotan.

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.

I. Timotheos 6:18

Taku waśte ece econpi kta, wicoḣan waśte ijicapi kta, wapamnipi, qa wawicaqupi ṭawatenyapi kta;

Hebrew 12:14

Owasin en wookiye akita po, qa nakun wowakan kin, he tuwe yuhe śni kinhan Itancan kin wanyake kte śni.

Hebrew 13:16

Taku waśte; econpi, qa wacantkiyapi kin hena akiktonjapi śni po, hena wośnapi kin Wakantanka iyokipi ece.

Jakob 4:17

Heon etanhan, tuwe taku waśte econ kta sdonkiya tuka econ śni eca, he woaḣtani ic̣icaga ece.

I. Inyan 3:12

Johowa iśta kin wicaśta owotanna awicatonwan, qa wocekiye eyapi kin he anoḣwicakiciya; tuka tona śicaya econpi kin Jehowa itohnake kin itkowicakipa ece.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.