I. Inyan 2:9 - Dakota Wowapi Wakan Kin

⁹ Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.

I. Inyan 2:9 ပူးပေါင်းရင်းမြစ်များ

Mattheos 4:16

Oyate otpaza en iyotanke ciqon he iyoyanpa tanka wanyakapi, qa tona wiconṭe makoce qa ohanzi kin en iyotankapi kin hena iyoyanpa awicahinanpa ce.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Johannes 17:19

Qa iyepi on miye mihduwakan, hecen on wowicake eciyatanhan wicayuwakanpi kta.

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Olianyanpi kin 26:28

Hehan Agrippa Palos heciya; Kitan ecinyan Kristian hemaca kta e awacinmayaya ce.

Roma 9:24

He wicakico kin hena unkiyepi, Juda oyate etanhanpi kin hecedan śni, tuka nakun Ikcewicaśta etanhanpi.

I. Korinth 3:17

Tuwe Wakantanka ti kin aśamye cinhan he Wakantanka ihangye kta. Wakantanka ti kin he wakan, qa he niyepi.

Ephesos 1:14

He taku unhapi kte cin tokaheya wicaqu ece kin hee, taku opetonpi hdamnanpi kin u kte cin hehanyan, iye towitan yatanpi kte cin heon.

Ephesos 1:6

Iye towaonśida wowitan yatanpi kte cin on, he iye Waśtekidake cin en waśteundakapi:

Ephesos 3:21

He iye okodakiciye kin en, Jesus Messiya on, ohinniyan owihanke wanin wowitan kicihan nunwe.

Philippi 3:14

Tuka taku wanji ecamon, taku hekta un kin hena akiktonś waun, qa taku tokata un kin hena ekta nape yewakiya ece; hecen oinajinta awaimnanka, Jesus Messiya on Wakantanka wankantuya wicakico kin en oqipe kin yewakiye kte cin heon etanhan.

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.

I. Inyan 2:5

Unkan niś eya, inyan ni un kin iyececa, tipi wakan wan en icaḣniyanpi, wawayuśnapi wakan kin, hecen wośnapi wakan qa Jesus Messiya eciyatanhan Wakantanka iyokipi kin waduśnapi kta.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

Wayuotanin 1:6

Qa Atkuku Wakantanka ekta wicaśtayatapi, wośna kagapi ko unkagapi kin hee, wowitan, wowaśake ko owihanke wanin tawa nunwe. Amen.

Wayuotanin 20:6

Tuwe piya iwicacage tokaheya kin en ope cinhan he yawaśtepi qa owotanna un. Hena wiconṭe inonpa kin iyowicahi kte śni, tuka Wakantanka qa Messiya kin ekta wawayuśnapi kin heca wicayawapi kta, qa kici ounyanpi kta, waniyetu kektopawinge hehanyan.

Wayuotanin 5:10

Qa Wakantanka ekta wicaśtayatapi wawayuśnapi ko unyakagapi; unkan maka kin oununyanpi kta ce.