I. Inyan 2:5 - Dakota Wowapi Wakan Kin

⁵ Unkan niś eya, inyan ni un kin iyececa, tipi wakan wan en icaḣniyanpi, wawayuśnapi wakan kin, hecen wośnapi wakan qa Jesus Messiya eciyatanhan Wakantanka iyokipi kin waduśnapi kta.

I. Inyan 2:5 ပူးပေါင်းရင်းမြစ်များ

Roma 12:1

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

I. Korinth 3:16

Wakantanka tipi tawa kin he niyepi, qa Wakantanka Taniya kin onitipi kin he sdonyakiyapi śni he.

I. Korinth 3:9

Wakanṭanka kici ḣtanipi kin hena unkiyepi; Wakantanka tamaga, qa Wakantanka tipi kage cin he niyepi.

I. Korinth 6:19

Tokeca, nitancanpi kin hena Woniya Wakan Wakantanka nic̣upi, qa niyepi en un kin he tipi tawa kin hee, qa hecen tawa nihdawapi śni e sdonyayapi śni he.

II. Korinth 6:16

Qa tipi wakan Wakantanka tawa kin he wakagapi kin kici token un kta he. Wakantanka ni un tipi wakan tawa kin he niyepi. Wakantanka heye ciqon he iyececa; Hena om wati kta, qa om mawani kta. Hena Wakantanka mayanpi kta, qa mitaoyate kin hena eepi kta ce.

Galatia 6:10

Heon tohanyan unkokihipi kinhan, wicaśta owasin taku waśte ecawicunkiconpi kta, qa wacinyanpi tiyohnaka kin hena iyotan.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Philippi 2:17

Unkan wacinyayapi wośnapi wawokiyapi kin en, amihdapson eśta nakun imduśkin, qa niyepi owasin om imduskin kta.

Philippi 4:18

Tuka owasin mduhe c̣a wijica waun; niyepi etanhan taku Epaphroditos maqu kin hena iwacu, taku waśtemna wośna waśte, qa Wakantanka iyokipi kin heca he iwamaśeca.

Kolosse 3:17

Qa taku ecanonpi kinhan, wicoie qa wicoḣan kin unma tukte kaśta, Jesus Itancan kin caje on owasin econ po, qa on Wakantanka Ateyapi kin wopida eciya po.

I. Timotheos 3:15

Tuka tehan wai śni kinhan, deciya tanhan on token Wakantanka ti kin ohna opiniciye kta sdonyaye kta, he okodakiciye Wakantanka ni un tawa kin ee, wowieake ihupa qa taku ahe cin hee.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

I. Inyan 2:9

Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

I. Inyan 4:17

Wakantanka tiyohnaka tawa kin wicayukcanpi kte cin wanna iyehantu. Unkan he unkiyepi etanhan aye cinhan, tona Wakantanka tawootanin waśte wicadapi śni kin hena token owihankepi kta he.

Wayuotanin 1:6

Qa Atkuku Wakantanka ekta wicaśtayatapi, wośna kagapi ko unkagapi kin hee, wowitan, wowaśake ko owihanke wanin tawa nunwe. Amen.

Wayuotanin 20:6

Tuwe piya iwicacage tokaheya kin en ope cinhan he yawaśtepi qa owotanna un. Hena wiconṭe inonpa kin iyowicahi kte śni, tuka Wakantanka qa Messiya kin ekta wawayuśnapi kin heca wicayawapi kta, qa kici ounyanpi kta, waniyetu kektopawinge hehanyan.

Wayuotanin 3:12

Tuwe ohiye cinhan, he tipi wakan mita Wakantanka tawa kin ohna can ihupa wan wakage kta, qa icimana tankan ye kte śni; qa he akan mita Wakantanka caje kin owawa kta, qa mita Wakantanka otonwe tawa caje kin, Jerusalem teca kin hee, maḣpiya kin etanhan Wakantanka mitawa kin eciyatanhan u kin hee, qa nakun micaje teca kin.

Wayuotanin 5:10

Qa Wakantanka ekta wicaśtayatapi wawayuśnapi ko unyakagapi; unkan maka kin oununyanpi kta ce.