I. Inyan 2:23 - Dakota Wowapi Wakan Kin

²³ Kigepi qehan itkom wicakige śni; kakiśyapi he ehan owawicakiye śni; tuka tuwe owotanna wiyukcan ece kin he en ihdoya.

I. Inyan 2:23 ပူးပေါင်းရင်းမြစ်များ

Lukas 23:41

Qa unkiye kin en he owotanna; taku econku eciyatanhan unkakipa ece; tuka iye qe taku śica takudan econ śni ce.

Lukas 23:46

Unkan Jesus hotankakiya hoyekiye c̣ehan, hehan heya; Ate, ninape kin en minagi kin owehnaka ce. Unkan hecen eye c̣ehan ṭa iyaya.

Lukas 23:9

Hehan iapi ota un wiwanga; tuka takudan ayupte śni.

Olianyanpi kin 17:31

Qa anpetu wan en wicaśta kin woowotanna on wicayaco kta e konza, wicaśta kaḣnige ciqon he on hecon kta, qa wiconṭe kin etanhan najin kiye cin heon he owasin sdonye wicaya ce, eya.

Olianyanpi kin 4:29

Unkan nakaha, Itancan, token wakokipe unkicagapi kta tamunkiyapi kin he wanyaka wo; qa nitaokiye kin nioie nina waditagya oyakapi kta e wicaqu wo;

Olianyanpi kin 7:59

Unkan Stephanos inyan on kininpi, he icunhan cekiye c̣a heya, Jesus Itancan, minagi kin ehdaku wo.

Olianyanpi kin 9:1

Unkan Salos waaiapi tin wicaktepi ko Itancan waonspewicakiye cin awicapogan, wośna kagapi itancan kin en i;

Roma 2:5

Tuka cante niteḣika, qa nihduecetu śni kin eciyatanhan, wocanniye anpetu, qa Wakantanka owotanna wicayaco kin yutaninpi iyehantu kte cin en, wocantiyahde amnayaya he.

Ephesos 6:9

Qa tona itancan yaunpi kin, niś eya he iyecen ecawicayeconpi kta, qa wakokipe wicayecagapi kte śni. Maḣpiya kin ekta iś iyepi qa niś niyepi nakun Itancan yakiyapi kin yanke c̣a, he ekta wicaśta itohnake yuonihanpi wanica, he sdonyayapi.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

II. Timotheos 1:12

Qa he etanhan hena taku on iyotanhan iyewakiya; tuka imaśtece śni. Tuwe wacinwakiye cin he sdonwakiye c̣a, taku ehnake waśi kin hena anpetu wan u kte cin hehanyan miciyuha okihi sdonwaya.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 12:3

Tuwe waḣtanipi sa taku i en hiyeyapi kin he iye en waḣbayedan iyowinye ciqon he awacin po, hecen nitawacinpi kin ekta iconimnipi kte śni, qa wacin iboyaśakapi kte śni.

I. Inyan 3:9

Taku śica on itkom taku śica econpi śni po; qa nicigepi eśta wicakigepi śni po; tuka itkopatanhan wayawaśte po; heon nicopi, hecen woyawaśte tawayayapi kta e sdonya po.

I. Inyan 4:19

Heon etanhan, tona Wakantanka eciyatanhan kakijapi kin hena, waśte ece econpi kin en, Wawicaḣye wacinyepica kin iyecen iye nagipi kin yuhekiyapi kte.

Wayuotanin 19:11

Unkan maḣpiya kin yuzamnipi e wanmdaka, qa ito śuktanka ska wan, qa tuwe akan iyotanke cin he Wicake c̣a Owotanna eciyapi, he owotanna wicayaco qa ozuye econ ece.