I. Inyan 2:22 - Dakota Wowapi Wakan Kin

²² Iye qe woaḣtani takudan econ śni, qa i kin ohna wohnaye takudan iyeyapi śni;

I. Inyan 2:22 ပူးပေါင်းရင်းမြစ်များ

Mattheos 27:19

Unkan woyaco oiyotanke kin akan kiyotanka hehan tawicu kin tuwe en uśi, qa heciya; Wicaśta owotanna kin he takudan ecakicon śni we, on anpetu kin de wiwahamna en nina mayuśinyaya ce.

Mattheos 27:4

Qa heya; Wawaḣtani, wicawe taku iyaonpepica śni kin wiyopewaya ce. Unkan heyapi; He etanhan unkitokecapi śni; he niś niye.

Lukas 23:41

Qa unkiye kin en he owotanna; taku econku eciyatanhan unkakipa ece; tuka iye qe taku śica takudan econ śni ce.

Lukas 23:47

Unkan akicita opawinge wicayuhe cin he token econpi qon he wanyake c̣ehan, Wakantanka yaonihan, qa heya; Awicakehan wicaśta owotanna he de heca ce.

Johannes 1:47

Jesus Nathanael en u wanyake c̣a he on heya; Wanyaka po, Israel wicaśta ḣinca wan he dee, wicahnaye wanin un ce.

Johannes 8:46

Niyepi kin wanji tukte he wawaḣtani e duwicakapi he. Qa wowicake epe cinhan, tokeca e ẇicamayadapi śni he.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

I. Johannes 2:1

Micinca cikcistinpidan, wayaḣtanipi kte śni e heon dena decen wowapi cicagapi. Unkan tuwe waḣtani kinhan Ateyapi kin ekta Wawiciya wan unhapi, Jesus Messiya owotanna kin hee.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

Wayuotanin 14:5

Qa hena ipi kin en wohnaye takudan iyeyapi śni; qa Wakantanka oiyotanke kin itokam takudan iyaonpepica śni unpi.