I. Inyan 2:12 - Dakota Wowapi Wakan Kin

¹² Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 2:12 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 5:11

tohan aniiapi qa śicaya nicuwapi, qa miye on itonśniyan taku śica owasin eniciyapi kinhan, niyawaśtepi ece.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 9:8

Tuka wicota he wanyakapi hehan yuśinyayapi, qa Wakantanka wicaśta wookihi hinsko tanka wicaqu kin he yatanpi.

Lukas 1:68

Itancan Wakantanka Israel tawa kin he taoyate kin wanna wicahiyohi, qa opewicakiton, on etanhan yawaśtepi nunwe:

Lukas 19:44

Qa makata eḣpeniyanpi kta, nicinca en niunpi kin hena koya; qa inyan nonpa icitakihna wanke śni eḣpeniyanpi kta; anpetu en taku waśte nihiyohipi kin he sdonyakiye śni heon etanhan.

Lukas 6:22

tohan wicaśta śicenidapi, qa yuiyog iyayeniyanpi, qa iennihdepi, qa Wicaśta Cinhintku kin on nicajepi kin taku śica iyecen tankan eḣpeyapi kinhan, niyawaśtepi ece.

Johannes 13:31

He tankan iyaya, hehan Jesus hey a; Wanna Wicaśta Cinhintku kin yutanpi, qa nakun iye eciyatanhan Wakantanka iś yutanpi.

Olianyanpi kin 15:14

Otokahe ekta token Wakantanka Ikcewicaśta kin etanhan oyate wanji, iye caje kin on, iwicacu kta e ekta wicai qon he Simon oyaka.

Olianyanpi kin 24:13

Qa nakaha taku iyamaonpapi kin hena yasutapi kta e okihipi śni.

Olianyanpi kin 25:7

He en hi, unkan hehan Juda wicaśta Jerusalem etanhan hipi qon hena ihdukśan najinpi, qa wiyaonpapi tanka ota Palos en aupi, tuka yaecetupi okihipi śni.

Olianyanpi kin 28:22

Tuka niś token nitawacin kin naunniḣonpi kta uncinpi, yuomdecapi kin de owancaya yaśicapi e sdonunyanpi ce.

Roma 12:17

Tuwedan taku śica on itkom śicaya econpi śni po. Wicaśta owasin itokamya taku owotanna ecedan kamnan po.

Roma 13:13

Qa iyokipiya maunnipi kta, anpetu kin en iyececa. Hanyetu wacipi qa witkopi kin en unkopapi kte śni; wicawihomnipi qa wicinpi, wakinicapi qa winawizipi kin hena en ounpapi kte śni.

Roma 14:18

Tuwe hena taku kin en Messiya wowidag ye cinhan, he Wakantanka iyokipi ye c̣a, wicaśta kin on waśte dakapi.

Roma 15:9

Qa hecen Ikcewicaśta kin Wakantanka yatanpi kta, iye towaonśida kin on; wowapi en kagapi qon iyececa, Heon etanhan Ikcewicaśta ehna ociyake c̣a nicaje kin iwadowan kta.

I. Korinth 14:25

Qa hecen iye cante kin ekta taku anaḣbe cin yutaninpi kta; hehan makipusdiya eḣpeic̣iye c̣a Wakantanka ohoda kta, qa Wakantanka niyepi en nicipi un kin oyake kta.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

II. Korinth 13:7

Taku śica takudan ecanonpi kte śni he Wakantanka icewakiya; unkiye unwaśtepi e unyaotaninpi kte cin hee śni, tuka waḣtepi śni kin iyeuncecapi kta eśta, niye taku waśte ecanonpi kte cin hee wacin.

II. Korinth 8:21

Taku waśte ece unkihnipi kta, Itancan kin itokam, qa nakun wicaśta kin en.

Ephesos 2:3

Hena om, unkiyepi owasin ehanna unnipi, unceḣpipi wacin yuze cin en, wicaceḣpi wicotawacin ko wacinpi kin ecetu unyanpi, qa unmanpi kin iyecen wocantiyahde cinca kin neuncapi.

Ephesos 4:22

Wicoḣan tokaheya kin en, wicaśta tannike cin, wohnaye wocantiheye kin on ḣwin kin hee yahduśdokapi kta;

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

I. Thessalonike 4:12

Hecen tona tankan unpi kin hena itokam owotanna mayanipi kta, qa takudan icakije śni yaunpi kta.

I. Timotheos 2:2

Wicaśtayatapi kin hena on, qa tona itancan unpi kin owasin on, hecen woohodapi owasin qa wicoḣan owotanna kin en, owanjidan unkanpi qa wikope śni unnipi kta.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

Hebrew 13:18

Wocekiye unkekiciya po; wicanagi waśte unhapi unkecinpi, taku owasin en owotanna unkoḣanyanpi kta uncinpi.

Hebrew 13:5

Waicucupikte cin wanin oyaḣandapi kta, qa taku duhapi kin hena on iyonicipipi nunwe. Tohinni aciyuśtan kte śni qaicimana eḣpeciye kte śni, eye ciqon heon etanhan.

Jakob 3:13

Enitanhanpi tuwe wicaśta ksape c̣a wiyukcan un he; woksape wowaḣbadan on tanyan aihduhe cin eciyatanhan iye oḣan waśte hdutanin kte.

I. Inyan 2:15

Hecen Wakantanka tawacin, tanyan oyaḣandapi kin on wicaśta witkotkoka wiyukcan śni kin hena inina yankewicayakiyapi kta.

I. Inyan 3:16

Wawiyukcan waśte hduha po; hecen śicaya oḣanyanpi iyecen tona aniiapi kin hena iśtecapi kta, Messiya on nioḣanpi waśte kin itonśniyan oniyakapi kin.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

II. Inyan 3:11

Hena taku kin owasin hecen skan kta hecinhan, wicoḣan waśte qa Taku Wakan iyececapi kin en taku wicaśta yaunpi kta iyececa he: