I. Inyan 2:11 - Dakota Wowapi Wakan Kin

¹¹ Waśtecicidapi, ceciciyapice, oyate tokeca qa unhdaka unpi kin iyecen wicaceḣpi cantiheyapi kin, wicanagi kin kici kicize cin, hena ayuśtan po:

I. Inyan 2:11 ပူးပေါင်းရင်းမြစ်များ

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

Olianyanpi kin 15:20

Tuka wakagapi on aśapapi kin, qa wiinaḣmanpi kin, qa we, qa taku weye śni yuṭapi kin, hena itehan yeic̣iyapi kta e wowapi wicunkicagapi kta.

Olianyanpi kin 15:29

Taku wakagapi wakiyuśnapi, qa we, qa taku we ye śni yutapi, qa wiinaḣmanpi kin hena itehan yenic̣iyapi kta. Hena itehanyan yaunpi kinhan tanyan ecanonpi kta. Tanyan yaunpi nunwe.

Roma 12:1

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

Roma 7:23

Tuka mihuha kin en woope tokeca wan wanmdaka, he mitawacin toope kin kici kicize c̣a, woaḣtani woope mihuha kin en un kin he en wayaka amahda.

Roma 8:13

Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.

II. Korinth 5:20

Heon Messiya on wawiciyapi kin unkiyepi, unkiyepi eciyatanhan Wakantanka ceniciyapi kin iyececa, Messiya caje on ceunniciyapi, Wakantanka kici okiciciya po.

II. Korinth 6:1

Heon iye kici ḣtaunnipi iyecen, niyepi nakun ceunniciyapi ce, ituḣ Wakantanka towaonśida kin iyacupi kte śni.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Ephesos 2:19

Heon etanhan, detanhan togkicihdapi, qa oyate tokeca kin henicapi śni; tuka tona owotanna unpi kin hena om yatipi, qa Wakantanka tiyohnaka tawa kin he niyepi:

Ephesos 4:1

Heon etanhan miś miye Itancan caje on makaśkapi, ceciciyapi ce, Wicakicopi on nieopi kin he iyacinyan mayanipi kte.

II. Timotheos 2:22

Kośka cantiḣeyapi śice cin hena nakicipa wo; tuka wicoowotanna, wowacinye, wacantkiyapi, wookiye ko, henakiya tona cante ecedan on Itancan cekiyapi kin hena om en opa wo.

Hebrew 11:13

Dena owasin wacinyan ṭapi, taku iwahowicayapi qon nahaḣin icupi śni, tuka tehan tanhan wanyakapi, qa wicadapi, qa adoksohan icupi, qa maka akan oyate tokeca qa unhdaka unpi kin heca ihdaotaninpi.

Hebrew 6:9

Tuka, waśtecicidapi kin, hena hecen unkeyapi eśta, niyepi kin on taku sanpa waśte qa wiconi en ope cin hena en niunpi e sdonunyanpi.

Jakob 4:1

Niyepi ekta wicokicize qa wakinicapi kin tokiyatanhan u he; cantiheyayapi śica nihuhapi en wakis un kin hena eciyatanhan śni he.

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

I. Inyan 1:17

Qa Ateyapi kin wicaśta itohnake iwanyake śni wicaśta otoiyohi iye oḣan kin eciyatanhan wicayukcan ece kin he hoyeyakiyapi kinhan, tohanyan den unhdaka yaunpi kin kokipeyahan un po.

I. Inyan 4:12

Waśtecicidapi kin, peta on iyutanpi kin on iniyutanpi kte cin he on yuśinyayapi śni po, taku tokeca ayakipapi iyececa.

I. Inyan 4:2

Hecen, hetanhan icimana wicaceḣpi eciyatanhan ni kte śni, wicaśta taku śica cantiheyapi kin en, tuka Wakantanka tawacin kin eciyatanhan.

II. Inyan 3:1

Waśtecicidapi kin, de nakaha wowapi inonpa cicagapi; hena en nitawacinpi mdesahan kiksuyapi on iyocipaśtakapi.