I. Inyan 2:1 - Dakota Wowapi Wakan Kin

¹ Heon etanhan, wocanniye owasin, qa wohnaye ocowasin, qa woanakiḣbe, qa wowinawizi, qa iapi śica iyuḣpa eḣpeya po;

I. Inyan 2:1 ပူးပေါင်းရင်းမြစ်များ

Mattheos 15:7

Wananic̣iḣmanpi, niyepi on Isaya tanyan woyake c̣a heye ciqon;

Mattheos 23:28

He iyecen niyepi wicaśta ekta akantanhan owotanna yaunpi seececa, tuka mahentanhan wanaic̣iḣmanpi qa woowotanna śni on onijupidan.

Mattheos 24:51

Qa cokaya kicakse kta, qa wanaic̣iḣmanpi kin om taku yuhekiye kta; heciya wicaceya qa hi hdakinskinzapi yuke kta.

Mattheos 7:5

Wanaic̣iḣman, tokaheya cankaga iśta ohna niyanke cin he hduśdoka wo; qa hehan takuśni nisunka iśta ohna yanke cin he iyacu kta tanyan wandake kta.

Markos 12:15

Unqupi kta, qa iś unqupi kte śni he. Tuka iye wohnaye hduhapi sdonye c̣a hewicakiya; Tokeca iyutanmayayapi he. Kaśpapidan wanji makau po, wanmdake kta ce.

Lukas 11:44

Wowapi kagapi qa Pharisee, wanaic̣iḣmanpi kin, woteḣi niciyankapi ece; wicaśta hnakapi tanin śni hiyeye c̣a wicaśta kin sdonye śni amanipi kin henicecapi ece.

Lukas 12:1

Unkan wicota ḣinca en ahimniciya, hecen akicihanpi ece, hehan waonspewicakiye cin hewicakiya; Tokaheya Pharisee kin on napoḣyapi tawapi kin he itonpa po, he wanaic̣iḣmanpi kin hee ce.

Lukas 6:42

Qa, Misunka, sukaza iśta ohna niyanke cin he ito ciciyusdoke kta ce, token nisunka eyakiye kta he, qa icunhan niye niiśta kin ohna cankaga wanke cin he wanyahdake śni. Wanayakiḣbe cin, niś tokaheya cankaga iśta ohna niwanke cin he ito tokan eḣpeya wo; qa hehan hinakaha nisunka iśta kin ohna sukaza yanke cin he yeciyuśdoke kta mdesya wandake kta ce.

Johannes 1:47

Jesus Nathanael en u wanyake c̣a he on heya; Wanyaka po, Israel wicaśta ḣinca wan he dee, wicahnaye wanin un ce.

Roma 1:29

Hena e woaḣtani owasin, wiinaḣmanpi, wicośice, waicucupi kte cin, qa oḣinyanpi on iyatahdepi; winawizipi, tin wicaktepi, wakinicapi, wohnaye, qa wocanniye on ojupidan.

I. Korinth 14:20

Mihunkawanji, wookahnige en hokśiyoqopa unpi śni po; tuka wicotawacin śice cin en hokśiyoqopa po, qa wookaḣnige kin en wicaśta tanka un po.

I. Korinth 5:8

Heon etanhan wohduze kin en unkopapi kta, on napoḣyapi wanakaja qa wocanniye wicośice ko on napoḣyapi kin he unhapi kte śni, tuka wicoowotanna wowicake ko on napoḣyapi kin hee unkunpi kta.

II. Korinth 12:20

Ekta ciupi kinhan, niyepi token wacin kin hececa iyeciyapi kte śni, qa miye nakun token yacinpi śni kin hecen iyemayayapi kta kowakipa. Wakinicapi kin, winawizipi, canniyekici yapi, wicokicize, waaiapi, waajijipi, waḣanicidapi qa owodutaton kin henakiya en un kta kowakipa.

Ephesos 4:31

Wicokige owasin, qa wocantiyahde, qa wośihda, qa iwaśicunpi, qa waaiapi canniyekiciyapi ko owasin eḣpeyayapi nunwe.

I. Thessalonike 2:3

Qa wowahokonkiye unkitawapi kin he wohnuni, qa woaśa pe eciyatanhan śni, qa wohnaye en un śni;

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

Titos 2:3

Qa winoḣinca tankapi kin iś eya winoḣinca waśte iyecen oḣanyanpi kta, waaiapi kte śni, miniśa ota en iyeic̣iyapi kte śni, qa taku waśte onspe wicakiyapi kta:

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

Jakob 3:14

Tuka winawizipi pa ḣinca, qa wakinicapi nicantepi kin en duhapi kinhan, ihnuhan widuśkinpi qa wowicake kin on iyatonpi śni kin.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

Jakob 4:5

Wowapi wakan kin, Woniya en unyakonpi kin he winawizipi cantiheya ce, ituya eya idukcanpi he.

Jakob 5:9

Mihunkawanji, otoiyohi okiciḣinyanpi śni po, okinni niyacopi kta. Wanyaka po, Wayaco kin he tiyopa kin itokam inajin.

I. Inyan 2:16

Nihduhapi, tuka tawanic̣iyapi kin he wocanniye onḣoḣda iyecen yec̣unpi kte śni, tuka Wakantanka tawowidake kin iyececa.

I. Inyan 2:22

Iye qe woaḣtani takudan econ śni, qa i kin ohna wohnaye takudan iyeyapi śni;

I. Inyan 3:10

Tuwe wiconi waśtedake c̣a anpetu waśte wanyaka cin kinhan, iye ceji kin taku śica en yeye kte śni, qa iha kin wohnaye takudan ie kte śni.

I. Inyan 4:2

Hecen, hetanhan icimana wicaceḣpi eciyatanhan ni kte śni, wicaśta taku śica cantiheyapi kin en, tuka Wakantanka tawacin kin eciyatanhan.

I. Inyan 4:4

He en iś iye witkoya śkanpi kin on iyecen iyatahdenic̣iyapi śni kin heon tognihdapi qa niyaśicapi ece;

Wayuotanin 14:5

Qa hena ipi kin en wohnaye takudan iyeyapi śni; qa Wakantanka oiyotanke kin itokam takudan iyaonpepica śni unpi.