I. Inyan 1:7 - Dakota Wowapi Wakan Kin

⁷ Hecen wacinyayapi iyutanpi kin, he mazaskazi peta ece on śdoyapi keś atakuni śni ece, sam iyeya nina teḣike cin he woyaonihan, wicakinihanpi qa wowitan on tanin kta, tohan Jesus Messiya ihdutanin kinhan.

I. Inyan 1:7 ပူးပေါင်းရင်းမြစ်များ

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 25:21

Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Mattheos 25:23

Itancan tawa kin heciya; Han, wowidake waśte qa wacinyepica; taku tonana on wacinyepica yaun, ito taku ota yuheciciye kta; niyuha towiyuśkin kin en opa wo.

Lukas 12:33

Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 17:30

Wicaśta Cinhintku kin yuotaninpi kte cin he iyecece kta ce.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Johannes 5:44

Niye iyakitedan nitawootaninpi kin ayecitapi, qa Wakantanka eciyatanhan wootanin kin ayakitapi śni, he token on wicayadapi kta he.

Olianyanpi kin 8:20

Tuka Inyan heciya; Mazaska nitawa kin niye kici atakuni śni nunwe. Taku Wakantanka wicaqu ece kin he mazaska on opetonpi kta kecanni kin heon etanhan.

Roma 2:10

Tuka wowitan, woyuonihan, wookiye ko, tona waśteya oḣanye cin hena kiciun kta, Juda wicaśta kin he tokaheya, qa hehan Helenes hee kta.

Roma 2:29

Tuka tuwe mahen tanhan hecece cin he Juda wicaśta kin hee, qa bakiḣdayapi kin he oowa kin en he śni, tuka wicanagi kin en un kin hee; he wowitan kin wicaśta akantu eciyatanhan śni, tuka Wakantanka eciyatanhan un.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 8:19

Wakantanka cinca wicayutaninpi kte cin on taku kagapi kin cantokpaniyan ape yanka.

I. Korinth 3:13

Otoiyohi oḣan kin atanin kta; anpetu kin he yuotanin kta, peta on yuotaninyan aye kta; qa peta kin otoiyohi oḣan kin he taku kin iyukcan kta.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 1:5

Wacinyanpi eciyatanhan Wakantanka towaśake kin on wiconi anikpatanpi, eqe anpetu ehake kin en yuotaninpi kta.

I. Inyan 2:4

He en yahipi, inyan wan ni un kin iyececa, wicaśta akantu eḣpeyapi, tuka Wakantanka e kaḣnige c̣a teḣike daka;

I. Inyan 2:7

Niye wacinyayapi kin he teḣike yadapi; tuka tona waanagoptanpi śni kin hena, inyan tipi kagapi eḣpeyapi qon he oise pa ḣinca icaga, inyan on siha ibotopi qa imnija on śinhdapi ece kin hee;

I. Inyan 4:12

Waśtecicidapi kin, peta on iyutanpi kin on iniyutanpi kte cin he on yuśinyayapi śni po, taku tokeca ayakipapi iyececa.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Inyan 1:4

Hena on taku tanka ḣinca, qa taku teḣike ḣinca iwahounyanpi; hecen hena on Taku Wakan ouncage kin en oyapapi kta, wiconi kin de en wocantiheye śica on wicośice nayecipapi kin.

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

Judas 1:24

Unkan tuwe woaḣtani econ śni niyuhapi kta okihi, qa wowiyuśkin yuha iye towitan kin en iyaonpepica śni enihdepi kte cin,

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.