I. Inyan 1:6 - Dakota Wowapi Wakan Kin

⁶ Heon nina iduśkinpi ece, tuka nakaha ptenyedan, he hecetu naceca, taku wawiyutanyan un kin ota on iyoniciśicapi:

I. Inyan 1:6 ပူးပေါင်းရင်းမြစ်များ

Mattheos 11:28

Tona ḣtayanipi qa tkeya wayaqinpi kin owasin en mau po, kinhan ozikiyapi cic̣upi kta.

Mattheos 26:37

Unkan Inyan qa Zebedee cinhintku kin napin iwicacu, qa iyokiśica hinhda qa nina yuśaka.

Mattheos 5:12

Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Lukas 1:47

Qa mitaniya kin he Wakantanka Wanikiya mitawa kin on iyuśkin ece.

Lukas 10:20

Tuka wakan śice cin hena ananigoptanpi kin heon wiyuśkinpi śni po; tuka maḣpiya ekta caje oniwapi kin hee on wiyuśkin po, eya.

Lukas 2:10

Unkan ohnihde wakan kin hewicakiya; Wikopapi śni po; iho, wopida tanka wootanin waśte oyate kin owancaya ecen ye kte cin, he eca hośi cicahipi ce.

Johannes 16:22

He iyecen nakaha iyokiśin dukanpi, tuka ake wanciyakapi kta, kinhan nicantepi kin wiyuśkin kta, qa widuśkinpi kte cin he tuwedan nicipi kte śni.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Roma 12:12

Woape en wiyuśkinpi; kakijapi kin en icunhan wacintankapi; qa wocekiye eya yukan po.

Roma 5:11

Qa hecedan śni, tuka nakun Wakantanka kin en unkiyuśkinpi, Jesus Messiya Itancan unkiyapi kin eciyatanhan, he etanhan nakaha wookiye unhapi.

Roma 5:2

Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Roma 9:2

Nina iyomakiśice c̣a micante ekta ohinniyan iyokiśin waun.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

II. Korinth 6:10

Iyokiśicapi iyeuncecapi, tuka ohmniyan wiunyuśkinpi; waḣpanicapi kin iyeuncecapi, tuka wicota watonka wicunkagapi; takudan yuhapi śni kin iyeuncecapi, tuka taku owasin untonpi.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Philippi 2:26

He niyepi owasin cantonikpanipi, qa iyokiśica un, wayazanke cin nayakiḣonpi kin neon.

Philippi 3:3

Tona bakiḣdayapi, qa wicocante on Wakantanka ohodapi, qa Jesus Messiya en iwinktapi, qa wicaceḣpi wacinyanpi śni kin heuncapi.

Philippi 4:4

Ohinniyan Itancan kin en iyuśkin po; qa ake, Iyuśkin po, epe.

I. Thessalonike 1:6

Wicokakije ota ehna, qa Woniya Wakan wowiyuśkin kin yuha wicoie kin iyacupi, hecen Itancan kin oyapapi, qa nakun unkiyepi.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

Jakob 1:9

Hunkawanjinkiciyapi waḣpanica kin yuwankan iyeyapi kinhan, heon iyuśkin kta.

Jakob 4:9

Iyokiśicapi, waśihdapi qa ceya po; iyaḣapi kin he wicaceya ee kta, qa widuśkinpi kin he woiyokiśice kta.

I. Inyan 3:17

Wakantanka hecen tawacin hecinhan, taku śica econpi kin hee śni, tuka taku waśte econpi kin on kakiśniyanpi kinhan hee waśte kta.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.