I. Inyan 1:5 - Dakota Wowapi Wakan Kin

⁵ Wacinyanpi eciyatanhan Wakantanka towaśake kin on wiconi anikpatanpi, eqe anpetu ehake kin en yuotaninpi kta.

I. Inyan 1:5 ပူးပေါင်းရင်းမြစ်များ

Johannes 12:48

Tuwe amaktaśni, qa mioie kin icu śni kinhan he tuwe yaco kte cin hduha; wicoie omdake cin anpetu ihankeya kin en yaco kte cin hee.

Johannes 17:15

Oyate kin detanhan ewicayahdaku kta e heon wocekiye eciciye śni, tuka taku śice cin he en anawicayecipte kta e heon.

Johannes 4:14

Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Roma 11:20

Han, hecetu; wicadapi śni kin heon hena yuksapi, qa niye wacinyanpi on ecen nayajin ece. Waḣanic̣ida śni qa kokipa wo.

Roma 8:18

De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

II. Korinth 1:24

Wacinyuyapi kin on wowidag unniyanpi śni, tuka widuśkinpi kin en ounniciyapi kta. Wacinyanpi on sutaya nayajinpi ece.

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Ephesos 3:17

Hecen wacinyanpi onnicantepi kin mahen Messiya ounye kta;

Philippi 1:6

Unkan he sdonwaya; tuwe tokaheya oḣan waśte nicicagapi kin he niciyuśtanpi kta, Jesus Messiya anpetu tawa kin hehanyan.

Philippi 4:7

Qa Wakantanka tawookiye okaḣniḣpica śni kin he nicantepi qa nitawacinpi kin Jesus Messiya en niyuhapi kte.

II. Timotheos 3:15

Qa honikśiyoqopa kin ehantanhan Wowapi wakan sdonyaya, he niniyan on ksamniye kta okihi, Jesus Messiya wacinyanpi kin ecijatanhan.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Hebrew 6:12

Qa nikujapi kte śni, tuka tona wicadapi, qa wacintankapi on, taku iwahowicayapi qon wanna yuhapi kin, hena owicayapapi kta.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

II. Inyan 1:3

Iye towaśake wakan kin he taku on wiconi qa woohodapi kte cin owasin unqupi kin he iyececa, tuwe wowitan qa wookihi on unkicopi kin he sdonyapi kin eciyatanhan.

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

Judas 1:1

Judas, Jesus Messiya tawowidake kin, qa Jakob sunkaku kin, tona Wakantanka Ateyapi kin en wicayuecepidan, qa Jesus Messiya en wicakpatanpi, qa wicakicopi kin hena wowapi wicakicaga.

Judas 1:24

Unkan tuwe woaḣtani econ śni niyuhapi kta okihi, qa wowiyuśkin yuha iye towitan kin en iyaonpepica śni enihdepi kte cin,