I. Inyan 1:4 - Dakota Wowapi Wakan Kin

⁴ Woaiḣpeye wan ḣwinpica śni, aśapapi śni, qa ohinniyan un kta, maḣpiya ekta enicihnakapi kin on;

I. Inyan 1:4 ပူးပေါင်းရင်းမြစ်များ

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Markos 10:17

Unkan canku kin ohna iyaye c̣ehan, wanji inyang u, qa en canpeśka makehde inajin, qa wiwanga; Waonspekiye waśte, wiconi owihanke wanice cin he ohimic̣iye kta e on taku ecamon kta he.

Olianyanpi kin 20:32

Hunkawanjinciyapi, nakaha Wakantanka iś iye, qa towaonśida oie kin en aciupi; he icaḣniyanpi, qa tona ska wicakagapi kin owasin om taku yuhe niciyapi kta e okihi.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

I. Korinth 9:25

Tuwe kaśta kici econ kte cinhan taku owasin iyatahde ic̣iye śni un. Hena wateśdake atakuni kte śni kin yekiyapi kta, tuka unkiye wateśdake ohinniyan un kte cin he unkakitapi.

Galatia 3:18

Taku tawapi kte cin he woope eciyatanhan un unkanś, wahoyapi kin eciyatanhan śni; tuka he Wakantanka Abraham iwahoya.

Ephesos 1:11

Qa tuwe iye tawacin wokonze kin eciyatanhan, taku owasin kage cin he otokaheya tanhan unkaḣnigapi kin, he iye en woaiḣpeye kin unhapi.

Ephesos 1:14

He taku unhapi kte cin tokaheya wicaqu ece kin hee, taku opetonpi hdamnanpi kin u kte cin hehanyan, iye towitan yatanpi kte cin heon.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Kolosse 1:12

Qa Ateyapi kin wopida eyakiyapi kta, he iyoyanpa ekta tona owotanna un kin woaiḣpeye tawapi kte cin en ounpapi kta e iyehantu unyanpi:

Kolosse 1:5

Woape maḣpiya kin ekta enicihnakapi kin on, he ehanna wotanin waśte wicoie wicakapi kin en nayaḣonpi kin;

Kolosse 3:24

Itancan kin etanhan woaiḣpeye iyunwin kin iyacupi kta he sdonyayapi; Messiya Itancan kin wowidake niyanpi nakaeś.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.

Hebrew 9:15

Qa heon etanhan, Wicotakuye Teca kin en Iyotahedan un kin he iye, hecen wicotakuye tokaheya ihukuya waḣtanipi qon hena kajuju kta e on ṭe cin, he eciyatanhan tona wicakico kin owihanke wanin taku tawapi kte cin iwahowicayapi qon he yuhapi kta.

Jakob 1:11

Anpetu wi kin hinanpe c̣a kata aya eca, wato kin śniśya ece, qa waḣca iḣpaye c̣a owanyake waśte kin he atakuni śni ece: he iyecen wicaśta wijica kin iye toḣan kin en awihnuni kta.

I. Inyan 3:9

Taku śica on itkom taku śica econpi śni po; qa nicigepi eśta wicakigepi śni po; tuka itkopatanhan wayawaśte po; heon nicopi, hecen woyawaśte tawayayapi kta e sdonya po.

I. Inyan 5:4

Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.