I. Inyan 1:3 - Dakota Wowapi Wakan Kin

³ Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;

I. Inyan 1:3 ပူးပေါင်းရင်းမြစ်များ

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Roma 12:12

Woape en wiyuśkinpi; kakijapi kin en icunhan wacintankapi; qa wocekiye eya yukan po.

Roma 15:13

Hehan woape Wakantanka kin he wicayadapi kin eciyatanhan wowiyuśkin owasin wookiye ko on imna niyanpi nunwe, Woniya Wakan towasake kin eciyatanhan woape en nina inicagapi kte cin heon.

Roma 4:25

Iye waunḣtanipi kin on wicaqupi, qa owotanna unyawapi kte cin on ake najinkiyapi qon.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 8:11

Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.

Roma 8:24

Woape kin on niunyanpi; tuka woape wanyakapi kin he woape kin ee śni, tuwe taku wanyake cinhan tokeca e nahaḣin ape yanka he.

I. Korinth 13:13

Unkan nakaha hena yamni en ounyan, wacinyanpi, qa apepi, qa wacantkiyapi; tuka wacantkiyapi kin he iyotan tanka.

I. Korinth 15:20

Tuka wanna Messiya wieonṭe etanhan piya ikicaga, qa tona iśtinmapi qon hena en taku tokaheya icage cin hee.

II. Korinth 1:3

Wakantanka Jesus Messiya Itancan unkiyapi he Atkuku, qa waonśidapi en ateyapi, qa Wakantanka owasin wacintonhnag wicaye cin he wowaśte yuha nunwe.

Galatia 6:16

Tona woope kin de eciyatanhan manipi, Israel Wakantanka tawa wicaye cin hena ko, wookiye, wowaunśida ko, wicakici unpi nunwe.

Ephesos 1:17

Jesus Messiya Itancan unkiyapi Wakantanka tawa, qa wowitan Ateyapi kin hee woksape wowiyukcan ko oniya kin nic̣upi kta, he iye sdonyayapi kta e heon:

Ephesos 1:3

Jesus Messiya Itancan unkiyapi Wakantanka tawa, qa Atkuku kin yawaśtepi nunwe; he iye Messiya en taku maḣpiya tanhan un kin wowaśte wakan ocaje owasin on unyuwaśtepi:

Ephesos 1:7

He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Ephesos 3:20

Tuwe nine waśagya econ okihi, unkiś unkidapi qa awauncinpi kin isanpa, wowaśake kin on oniciḣanyanpi kin he eciyatanhan;

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

Kolosse 1:27

Ikcewicaśta kin ekta taku otanin śni kin de wowitan woyuha kin tinskokeca kin, he Wakantanka hena sdonye wicakiye kta, he niyepi kin en Messiya wowitan woape kin hee.

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

I. Thessalonike 4:13

Tuka mihunkawanji, tona iśtinmapi kin hena on sdonye śni dukanpi kta, qa iyoniciśicapi kta, wicaśta tokeca wowacinye nicapi kin iyececa, e he wacin śni.

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

I. Timotheos 1:14

Qa Itancan unkiyapi towaonśida kin he wacinyanpi qa wacantkiyapi Jesus Messiya en nina yuotapi.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

Jakob 1:18

Iye tawacin kin eciyatanhan, wowicake oie kin on cinca unkagapi, hecen taku kage cin ehna unkiye waskuyeca tokaheya iyeuncecapi kta.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Inyan 1:23

Piya icaḣniyanpi, oicage kuke kte cin etanhan śni, tuka kukepica śni kin on, Wakantanka oie kin ni un qa owihanke wanice kte cin hee on.

I. Inyan 2:2

Qa hokśiyoqopa nakaha tonpi kin iyecen, wicoie asanpi wohnaye wanin un kin he cin po, hecen on inicagapi kta:

I. Inyan 3:15

Tuka nicantepi kin en Wakantanka Itancan kin wakanda po; qa tuwe wowacinye en niunpi kin on iniwangapi kinhan, waḣbayedan kokipeyahan aduptapi kta e ohinniyan wiyeya yanka po;

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

I. Inyan 3:5

Iś eya, wanakaja, winoḣinca waśteśte Wakantanka wacinyanpi qon hena e hecen kic̣unpi, qa hihnakupi kin wicihukun unpi.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.

I. Johannes 3:9

Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.

I. Johannes 4:7

Waśtecicidapi kin, otoiyohi canteunkiciciyapi kte; wacantkiyapi kin he Wakantanka eciyatanhan un; qa tuwe wacantkiye cin he Wakantanka eciyatanhan tonpi, qa Wakantanka sdonya.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.

I. Johannes 5:4

Tuwe Wakantanka eciyatanhan tonpi kin he wicoicage kin ohiya ece; unkan woohiye wicoicage ohiye cin he dee, wacinunyanpi kin hee.