I. Inyan 1:2 - Dakota Wowapi Wakan Kin

² Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.

I. Inyan 1:2 ပူးပေါင်းရင်းမြစ်များ

Mattheos 24:22

Qa anpetu kin hena yuptecedan śni kinhan, wicaśta tuwedan ni kte śni; tuka wicakahnigapi kin hena on anpetu kin hena yuptecedan kta.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 24:31

Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Markos 13:20

Unkan Itancan kin anpetu kin hena yuptecedan śni kinhan, wicaceḣpi takudan ni kte śni; tuka wicakaḣnigapi tona wicakaḣnige cin hena on anpetu kin hena yuptecedan.

Markos 13:22

Messiya itonpiśni qa wicaśta wokcan itonpiśni kin heca icagapi kta, qa wowapetokeca taku wowinihan ko econpi kta, okihipica unkanś wicakaḣnigapi kin hena eepi kaeś wicahnayanpi kta tuka.

Markos 13:27

Unkan hehan ohnihdewicaye cin hena ye wicaśi kta, qa tate ouye topa kin etanhan, maka ihanke kin etanhan qa maḣpiya ihanke kin hehanyan, wicakahnige ciqon hena witaya wicakpahi kta.

Lukas 18:7

Unkan Wakantanka tona wicakaḣnige, c̣a anpetu hanyetu ko cekiyapi kin, hena tehan towicakicic̣on śni qeyaś, ocim econ kte śni he.

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

Olianyanpi kin 2:23

He qe Wakantanka atayedan wakiconze c̣a, iye osdonye kin eciyatanhan qupi qon, he iyacupi, qa nape śikśica on icipaweḣ oyakatanpi, qa yaktepi.

Olianyanpi kin 20:32

Hunkawanjinciyapi, nakaha Wakantanka iś iye, qa towaonśida oie kin en aciupi; he icaḣniyanpi, qa tona ska wicakagapi kin owasin om taku yuhe niciyapi kta e okihi.

Roma 1:5

Iye kin eciyatanhan wowaśte unkicupi, qa oyate owasin wacinyanpi kin anagoptanpi kte cin heon yewicaśipi wicoḣan kin he nakun, iye caje kin on:

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 11:2

Wakantanka taoyate kin tona otokaheya tanhan sdonwicakiye ciqon hena eḣpewicakiye śni. Wowapi wakan Elijah on token eye cin sdonyayapi śni he; Wakantanka cekiye c̣a, Israel oyate kin cajeyata qa heya;

Roma 11:28

Wotanin waśte kin ekta, hena niyepi kin on etanhan toka wicayawapi, tuka wicakaḣnigapi kin ekta, hena e hunkakepi kin on etanhan waśte wicakidapi.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

Roma 16:19

Niye waanayagoptanpi kin he wicaśta owasin sdonyapi. Heon niyepi kin on imduśkin. Tuka taku waśte e on yaksapapi kta, qa taku śica on wadupipi kte śni wacin.

Roma 16:26

Tuka nakaha yuotaninpi, wicaśta wokcan tawowapi wakan kin heon, Wakantanka owi hanke wanin un, tawoahope kin eciyatanhan, qa oyate owasin wacinyan anagoptanpi kte cin heon oyakapi;

Roma 8:13

Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.

Roma 8:33

Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

I. Korinth 6:11

Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.

II. Korinth 10:5

Wacinyuzapi kin kun eḣpeya, qa taku tehan wankantuya un Wakantanka sdonyapi kin en wankan iyeiciye cin hena owasin, qa wicotawacin iyuḣpa Messiya anagoptanpi kin en wayaka ai ece.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

II. Thessalonike 2:13

Tuka mihunkawanji, Itancan waśtenidakapi kin, niyepi on unkiye ohinniyan Wakantanka wopida unkekiciyapi kta, otokaheya tanhan Woniya wicayuecedan, qa wowicake wicadapi kin on, Wakantanka yanipi kta e on nicaḣnigapi kin heon etanhan.

II. Timotheos 2:10

He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

Hebrew 10:22

Heon cante wicake ḣinca hduha śogya wacinunyanpi qa ikiyedan unkupi kta, wicanagi śice cin etanhan uncantepi kin unkamnimnipi;

Hebrew 11:28

Wacinyanpi kin eciyatanhan wośnapi wohduze, qa we amnimnipi kin hena kaga, tuwe cinca tokapapi kin ihangwicaye cin he iye owicayutan kte śni heon.

Hebrew 12:24

Qa Jesus wicotakuye teca kin en iyotahedan un kin hee ekta, qa we amnimnipi kte cin, Abel sam iyeya taku waśte eye cin he ekta.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

I. Inyan 1:19

Tuka Messiya we teḣike cin he on, taḣin wanunyanpi cincadan, taku iyaonpepica śni qa ecedan un kin iyececa.

I. Inyan 1:20

Iye qe maka kin de kagapi śni itokam wakiconzapi, tuka anpetu ihankeya kin dena en yutaninpi, niyepi kin on;

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 2:9

Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.

II. Inyan 1:2

Wowaonśida, wookiye ko, Wakantanka sdonyapi kin en, qa Jesus Itancan unkiyapi kin on niciyuotapi nunwe.

II. Johannes 1:1

Hunkayapi un kin, Kuria kaḣnigapi qon wowapi kicaga; iye cinca kin, wowicake eciyatanhan waśtewicawadake cin hena om, qa miśnana śni, tuka nakun tona wowicake sdonyapi kin hena owasin;

II. Johannes 1:13

Nitanka kaḣnigapi qon cincawicaye cin hena nape niyuzapi. Amen.

Judas 1:2

Wowaonśida, qa wookiye, wacantkiyapi ko niyepi en niciyuotapi nunwe.