I. Inyan 1:12 - Dakota Wowapi Wakan Kin

¹² Unkan, iś iyepi kte śni, tuka tona wotanin waśte, Woniya Wakan maḣpiya eciyatanhan kun u śipi kin iyahna sdonyeniyanpi kin eqe nakaha taku oniciyakapi kin hena unkiyepi on yuhapi e owicakiyakapi; taku kin hena maḣpiya ohnihde kin en eyokasin wacinpi.

I. Inyan 1:12 ပူးပေါင်းရင်းမြစ်များ

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Markos 16:15

Unkan hewicakiya; Maka kin owancaya ya po, qa wicaśta otoiyohi wotanin waśte kin owicakiyaka po.

Lukas 15:10

He iyececa waḣtanipi sa wanjidan iyopeic̣iya ec̣a, on Wakantanka taoḣnihde kin wicitokam wiyuśkinpi ece, eciciyapi ce.

Lukas 2:26

Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.

Lukas 9:6

Unkan iyayapi, qa otonwe iyaza yapi, qa wootanin waśte oyakapi, qa owancaya waasniyanpi.

Johannes 15:26

Tuka Wicakicanpte, Atewaye cin etanhan uwaśi kte cin he, Wowicake Woniya kin hee, tohan hi kinhan, he iye Atewaye cin etanhan u kta, qa omayake kte cin hee.

Olianyanpi kin 10:44

Wicoie kin dena Inyan ecen eye cin he icunhan, tona oie kin naḣonpi owasin Woniya Wakan kin awicahinḣpaya.

Olianyanpi kin 16:10

Wowanyake kin do wanyake cin heon hinnakaha Makedonia heciya unyanpi kta e uncinpi, Itancan kin hena wotanin waśte kin owicunkiyakapi kta cin heon unkicopi e unhdukcanpi.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 4:31

Unkan wocekiye eyapi, hehan tukten witaya yukanpi kin he yuhuhuzapi, qa owasin Woniya Wakan kin on ojupidan, qa Wakantanka oie kin waditagya oyakapi.

Olianyanpi kin 4:8

Hehan Inyan Woniya Wakan on ojudan, hecen ewicakiya; Oyate en wicaśta itancanpi, qa Israel hunkawicayapi kin;

Olianyanpi kin 8:25

Unkan wanna yaotaninpi, qa Itancan oie kin oyakapi qehan, Jerusalem ekta icicawin hdapi, qa Samaria otonwe ota kin en wotanin waśte kin oyakapi.

Roma 1:15

Hecen token owakihi kin, niyepi nakun Roma ekta yaunpi kin, wootanin waśte kin ociciyakapi kta wacin.

Roma 1:17

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Roma 10:15

Qa ekta ye wicaśipi śni kinhan token oyakapi kta he. Owapi qon he hecetu; Tona wookiye wotanin waśte kin oyakapi, qa taku waśte en wotanin waśte oyakapi kin hena sihapi kin iyotan waśte ce.

Roma 15:19

Tuka wowapetokeca tanka, qa woyuśinyaye econpi, Wakantanka Taniya Wakan towaśake kin eciyatanhan, hecen Jerusalem etanhan, qa ohomniyan Ilurikon ekta Messiya tawootanin waśte kin omdaka ece.

I. Korinth 2:10

Tuka hena Wakantanka iye Taniya kin eciyatanhan unkokiyakapi; Woniya kin he taku owasin iyukcan, Wakantanka wośbe tawa kin sdonya.

II. Korinth 1:22

Qa he unkapuspapi, qa uncantepi kin ekta Woniya tokaheya icupi ece kin he unqupi.

II. Korinth 6:6

Ecedan unpi kinon, wosdonye kin on, tehan apepi kin on, wacantkiyapi kin on, Woniya Wakan kin on, awicakehan waśtedakapi kin on;

Galatia 1:12

Qa wicaśta kin etanhan iwacu śni, qa iye omakiyakapi śni, tuka Jesus Messiya oyake cin eciyatanhan onmaspe.

Galatia 1:16

Iye Cinhintku kin sdonye mayan iyokipi qehan, Ikcewicaśta wotanin waśte kin owicawakiyake kte cin heon, kohanna wicaceḣpi, wicawe ko, kici wowahdake śni:

Ephesos 3:10

Hecen nakaha okodakiciye kin eciyatanhan, wokiconze wowaśake ko, maḣpiya ekta un kin en, Wakantanka toksape wopteca śni kin atanin kta.

I. Thessalonike 2:9

Mihunkawanji, unkoḣanyanpi qa ḣtaunnipi kin yeksuyapi, hanyetu anpetu ko ḣtaunnipi, wotanin waste Wakantanka tawa unkoniciyakapi kin he icunhan, tuwedan tkeya waqinunniciyapi kte śni uncinpi kin heon etanhan.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Hebrew 11:13

Dena owasin wacinyan ṭapi, taku iwahowicayapi qon nahaḣin icupi śni, tuka tehan tanhan wanyakapi, qa wicadapi, qa adoksohan icupi, qa maka akan oyate tokeca qa unhdaka unpi kin heca ihdaotaninpi.

Hebrew 2:4

Wakantanka iś eya, iye tawacin kin eciyatanhan, wicakiciyaotanin, wowapetokeca taku on yuśinyewicaye cin hena ko, waśagya econpi ota, qa Woniya Wakan wicakipamni kin hena on etanhan.

Hebrew 4:2

Wotanin waśte kin unkokiyakapi, iś iyepi kin iyececa; tuka wicoie naḣonpi qon he owicakiye śni, tona naḣonpi kin wowacinye icicahiyapi śni kin heon etanhan.

I. Inyan 1:25

Tuka Itancan oie kin he owihanke wanin un kta. Unkan wotanin waśte oniciyakapi kin wicoie kin he hee.

I. Inyan 4:6

Heon etanhan, nakun tona ṭapi kin hena wotanin waśte owicakiyakapi qon, hecen wicaśta wicaceḣpi en un kin iyecen wicayacopi eśta woniya en Wakantanka eciyatanhan nipi kta.

Wayuotanin 5:11

Unkan wanmdake c̣a, oiyotanke kin ihdukśan, qa taku ni unpi kin hunkawicayapi ko wicihdukśan, maḣpiya ohnihde woyawa tanka ota, qa kektopawinge ece kektopawinge, hena hopi kin nawaḣon;