I. Inyan 1:10 - Dakota Wowapi Wakan Kin

¹⁰ Wiconi kin he on, wicaśta wokcan wowaonśida en niunpi kin he oyakapi qehan, aic̣iciya akitapi qa wiwangapi;

I. Inyan 1:10 ပူးပေါင်းရင်းမြစ်များ

Mattheos 13:17

Awicakehan heciciyapi; Wicaśta wokcan ota, qa wicaśta owotanna, taku wandakapi ece kin hena wanyakapi kta cinpi, tuka wanyakapi śni; qa taku nayaḣonpi ece kin, hena naḣonpi kta cinpi, tuka naḣonpi śni.

Mattheos 26:24

Wowapi en kagapi qon he iyecen, Wicaśta Cinhintku kin ye kta; tuka wicaśta kin Wicaśta Cinhintku kin wiyopeye cinhan he woteḣi kiciyanke kta; wicaśta kin he tohinni tonpi śni unkanś waśte kta tuka.

Lukas 10:24

Qa heciciyapi; Waayatapi kin wicaśtayatapi ko ota taku wandakapi kin hena wanyag cinpi, tuka wanyakapi śni; qa taku nayaḣonpi kin he naḣon cinpi, tuka naḣonpi śni, eya.

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Johannes 7:52

Unkan ayuptapi qa heciyapi; Niś Galile henitanhan he: Wawiwange c̣a wanyaka wo; wicaśta wokcan tuwedan Galile etanhan u śni ce.

Olianyanpi kin 10:43

He wicaśta wokcan kin owasin oyakapi; iye caje kin eciyatanhan tuwe wicada kinhan woaḣtani wokajuju kin yuhe kta ce.

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.

Olianyanpi kin 28:23

Unkan anpetu wan cajeyatapi kin he en wicota Palos yanke cin en hipi; unkan iś Wakantanka tokiconze kin yaotanin, qa onspewicakiye c̣a, Moses teope kin wicaśta wokcan ko, etanhan Jesus on wahokonwicakiya, anpao kin etanhan otpaze cin hehanyan.

Olianyanpi kin 7:52

Wicaśta wokcan kin tukte wanji e nihunkakepi kin śicaya kuwapi śni he. Wanji Owotanna un kin he u kte cin tona oyakapi qon hena wicaktepi; qa he qe niś niyepi wanna iyopeyayapi qa yaktepi.

Hebrew 11:13

Dena owasin wacinyan ṭapi, taku iwahowicayapi qon nahaḣin icupi śni, tuka tehan tanhan wanyakapi, qa wicadapi, qa adoksohan icupi, qa maka akan oyate tokeca qa unhdaka unpi kin heca ihdaotaninpi.

Hebrew 11:40

Wakantanka taku sam iyeya waśte unkiyepi on ehnaka, hecen hena e unkicunonpa tanhan wicahduśtanpi kte śni.

I. Inyan 1:11

Messiya Taniya iyepi en un kin, tohantuqa anpetu kin tukte e ka e iwangapi, Messiya kakije kte c̣a wowitan ihakam un kte cin henaitokamoyake ciqon he ehan.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.