II. Timotheos 3:3 - Dakota Wowapi Wakan Kin

³ Cinca cantekiyapi śni, woope kicaksapi, waaiapi sa, iyatahdeic̣iyapi sa, ohitiic̣idapi, qa taku waśte śicedapi;

II. Timotheos 3:3 ပူးပေါင်းရင်းမြစ်များ

Mattheos 10:21

Hunkawanjinkiciyapi kin iś unma ktepi kta e wicaqu kta; qa wicaśta wan iye cinhintku kin nakun; qa wicacinca kin iś hunkakewicayapi itkowicakipapi qa wicakiktepi kta.

Mattheos 4:1

Hehan Jesus woniya on ḣewoskan makoce kin ekta ayapi, Wakanśica iyutanye kta e heon.

Lukas 10:16

Tuwe ananigoptanpi kin, he miye e anamagoptan; qa tuwe waḣtenidapi śni kin, he miye e waḣtemada śni; qa miś tuwe waḣtemada śni kin, he umaśi kin hee waḣteda śni ece, eya.

Lukas 16:14

Unkan Pharisee kin wakonpi kin, hena owasin naḣonpi; qa wowiḣayapi.

Johannes 6:70

Unkan Jesus awicayupte; Akeninonpapi kin miye cicaḣnigapi śni he; tuka wanji wakanśica yaunpi ce, eya.

Roma 1:29

Hena e woaḣtani owasin, wiinaḣmanpi, wicośice, waicucupi kte cin, qa oḣinyanpi on iyatahdepi; winawizipi, tin wicaktepi, wakinicapi, wohnaye, qa wocanniye on ojupidan.

Roma 1:31

Wacintonpi śni, woope kicaksapi, wacantkiyapi śni, wacin tankapi śni, qa waonśidapi śni.

I. Korinth 7:5

Otoiyohi tancan eḣpekiciyapi śni po, ptecedan hehanyan, napin wicayadapi kinhan heceedan, takudan yute śni qa wocekiye eyapi kin en ocowasin yenic̣iyapi kte cin heon, kinhan ake napin yahdapi kta, unmana kinhan oic̣ihipi śni kin on Satan iyutanniyanpi kta naceca.

I. Korinth 7:9

Tuka oic̣ihipi śni kinhan kiciyuzapi kta; wakan kiciyuzapi kin ne waśte qa wacin itkon kin he śica.

I. Thessalonike 4:8

Hecen tuwe waaktaśni kinhan, he wicaśta paha iyewicaye śni, tuka Wakantanka Iye Taniya Wakan unqupi kin hee aktaśni.

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

Titos 1:8

Tuka oicimani kin onśiwicada kta, qa taku waśte kin waśtedake kta, wacin ksapa un kta, qa owotanna, wacantkiya, qa iyatahdeic̣iye śni un kta;

Titos 2:3

Qa winoḣinca tankapi kin iś eya winoḣinca waśte iyecen oḣanyanpi kta, waaiapi kte śni, miniśa ota en iyeic̣iyapi kte śni, qa taku waśte onspe wicakiyapi kta:

Jakob 2:6

Tuka niye waḣpanicapi kin waḣtewicayadapi śni. Wijicapi kin hena iyotanhan iyeniciyapi śni, qa woyaco oiyotanke kin en aniyanpi śni he.

II. Inyan 2:14

Iśta yukanpi wiinaḣmanpi kin on ojudan qa woaḣtani ayuśtanpica śni; wicanagi kacegya unpi kin hena wicahnayanpi ece; cante wawicakipi e ecewakta kin heca yuhapi, wicotakuniśni cincapi kin:

II. Inyan 2:19

Tawaic̣iyapi kin wicaqupi kta keyapi, tuka iyepi kaeś wicotakuniśni iwicadaka. Taku on tuwe iyakapeyapi kinhan, ha on wowidagyapi ece.

II. Inyan 3:3

Qa de tokaheya sdonya po, anpetu ehake kin en waiḣaḣapi, iye cantiheyapi śica eciyatanhan manipi kin heca hipi kta;

Judas 1:16

Hena e wihnupi sa, wawiyaonpapi sa, iye cantiheyapi kin eciyatanhan manipi ece; qa i eciyatanhan waḣanḣanic̣idaya iapi, qa taku on etanhan wicaśta itohnake kin waśtedakapi ece.

Judas 1:18

Anpetu ihankeya kin en wicaśta wawiḣaḣapi kin yuke kta, iye cantiheyapi śice cin eciyatanhan manipi kin, he oniciyakapi qon.

Wayuotanin 13:15

Qa wamanica iyacinpi kin he oniya qu okihi, hecen on wamanica iyacinpi kin ie kta, qa tona iyacinpi kin ohodapi śni kin hena wicakte kta okihi.

Wayuotanin 13:17

Unkan tuwedan wopeton kte śni, tuka tona wamanica towapetogton, caje kin, qa caje ihdawa kin he wanji tukte e yuhe cin henana.

Wayuotanin 16:6

Wicaśta owotanna, qa wokcanpi kin hena we kin wicakipapsonpi; qa hecen we yatke wicayakiya, he iyekicihantupi nakaeś.

Wayuotanin 17:6

Unkan wicaśta owotanna we kin winoḣinca kin he iwitko wanmdaka, qa tona Jesus yaotaninpi kin hena we kin on. He wanmdake c̣a nina imanihan waun.