II. Timotheos 1:3 - Dakota Wowapi Wakan Kin

³ Wakantanka, mihunkake kin etanhan nagi ska hduha ohowada kin, he wopida ewakiya, anpetu, hanyetu ko wocekiye epa eca, ayaśtan śni ciksuya waun;

II. Timotheos 1:3 ပူးပေါင်းရင်းမြစ်များ

Lukas 2:37

Qa he wanna wiwazica, waniyetu wikcemna śahdogan sanpa topa ecetu, qa tipi wakan kin en ece un, qa wote śni unpi wocekiye eya ahna on ohoda ece.

Olianyanpi kin 22:3

Unkan hecen eya; Juda wicaśta kin hemaca, Kilikia ekta Tarsos en matonpi, qa otonwe kin de en icaḣmayanpi, qa Gamaliel siha kin ekta, hunkake wicayapi wicoope yuhapi kin tanyan onspemakiyapi, qa Wakantanka on nina inawaḣni, niyepi kin owasin nakaha yaunpi kin iyececa.

Olianyanpi kin 23:1

Unkan Palos omniciye kin opawicuḣta yanke c̣a, Wicaśta hunkawanjin ciyapi, Wakantanka itokam mitawacin oc̣owasin waśte, anpetu kin dehan wani, eya.

Olianyanpi kin 24:14

Tuka de ociciyaka, yuomdecapi kin cajeyatapi qon he canku kin ohna hunkake wicawaye cin Wakan tanka tawapi kin ohowada, qa wicoope, qa wicaśta wokcan taku owapi qon hena owasin wicawada:

Olianyanpi kin 24:16

Heon Wakantanka, qa nakun wicaśta kin en tawacin takudan iyaonpepica śni waun kta e ohinniyan opimiciya ce.

Olianyanpi kin 26:4

Tokaheya tanhan Jerusalem ekta mitaoyate kin om, homakśidan ehantanhan, token oḣanyan waun qon Juda wicaśta kin owasin sdonyapi.

Olianyanpi kin 27:23

Wakantanka ohowada, qa iye mayuhe cin he taohnihde ye cin hinhan en mahinajin.

Roma 9:1

Messiya eciyatanhan wowicake epe, itonśni mawanica, minagi kin hee e Woniya Wakan kin kici mahdutanin;

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

Galatia 1:14

Qa mitaoyate kin en tona om akinimaskokeca kin hena ota Juda wicoḣan kin en kawicawape c̣a, mihunkakepi wohdakapi qon iyotan nina tewaḣinda.

Ephesos 1:16

Ehantanhan niyepi on wopida eya amdaśtan śni, qa wocekiye epa eca, ciksuyapi ece:

I. Thessalonike 3:10

Hanyetu anpetu ko nina ceunkiyapi, nitohnake kin wanunniyakapi kta, qa wacinyayapi kin en taku nahaḣin ocowasin śni un kin he tanyan unniciyuśtanpi kta.

I. Timotheos 1:19

Wowacinye qa wicanagi waśte sutaya yahduhe kte cin heon. Wanjikśi hena eḣpeyapi qa on wacinyanpi ekta kamden iyeic̣iyapi.

I. Timotheos 1:5

Wicacante ecedan, wicanagi waśte, qa wacinyanpi wicakapi kin etanhan wacantkiyapi kin he woahope ecetuyapi kin hee.

I. Timotheos 5:5

Tuwe awicakehan wiwazica un kin he iśnana eḣpeyapi un, Wakantanka wacinye c̣a ohinniyan, hanyetu anpetu ko, wocekiye eyapi, qa hoyekiyapi kin en un.

II. Timotheos 1:5

Tohan wowacinye anaḣbepica śni niye en niun kin he weksuye cinhan, he tokaheya nikunśi Lowis en un, qa nakun nihun Yunike en un, qa he niye en niun kin sdonwaya.

II. Timotheos 3:15

Qa honikśiyoqopa kin ehantanhan Wowapi wakan sdonyaya, he niniyan on ksamniye kta okihi, Jesus Messiya wacinyanpi kin ecijatanhan.

Hebrew 13:8

Jesua Messiya, ḣtanihan qa nakaha okonwanjidan, qa owihanke wanice kta.