II. Korinth 7:2 - Dakota Wowapi Wakan Kin

² Anaungoptan po; unkiye tuwedan śicaya ecawicunkiconpi śni, tuwedan wicunyuśicapi śni, tuwedan taku icakiś wicunyanpi śni.

II. Korinth 7:2 ပူးပေါင်းရင်းမြစ်များ

Mattheos 10:14

Qa tukten iyowinniciyapi śni qa nioiepi kin naḣonpi śni kinhan, tipi kin he, qa otonwe kin he, etanhan tankan yahdapi kinhan, watuśekśeca sina onitkapapi kin he natata po.

Mattheos 10:40

Tuwe iyowinniciyapi kin he iyowinmakiya; qa tuwe iyowinmakiye cin he tuwe umaśi kin he iyowinkiya ece.

Lukas 10:8

Qa tukten otonwe wanji en yaipi, qa iyowinniciyapi kinhan, taku nitokam enicihnakapi kin he ece yuta po.

Olianyanpi kin 20:33

Tuwe mazaska, qa mazaskazi, qa wokoyake tawa kin wakon śni.

Roma 16:18

Tona hececapi kin Jesua Messiya Itancan unkiyapi kin wowidag wicaye śni, tuka iye tezipi kin hee, qa wicoie waśte, iapi iyokipi se ececa ko, on wicaśta wacin ksape śni kin wicahnayanpi.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

II. Korinth 11:16

Ake hecen epa; Tuwedan witkotkoke madake kte śni. Tuka hecon kinhan witkotkoke cin iyecen iyowinmakiye kta, cistiyedan mihdatan kta.

II. Korinth 11:9

Taku iyokpani waun qon he hunkawanjin kiciyapi Makedonia etanhan hipi kin maqupi, qa ohinniyan takudan inagiyeciyapi śni waun, qa eeś nakun hecen waun kta.

II. Korinth 4:2

Tuka taku wowiśtece naḣmana un kin hena eḣpeunyanpi, qa wicahnayanpi kin en maunnipi śni, qa wohnaye yuha Wakantanka oie kin unkiciyuhapi śni, tuka wowicake yaotaninpi kin on wicaśta owasin wiyukcanpi kin ekta unhdaotaninpi, Wakantanka itokam.

Philippi 2:29

He Itancan kin on etanhan wopida owasin yuha tin u śi po, qa tona hececapi kin wicayuonihan po.

Kolosse 4:10

Aristarkoa kici mekaśkapi kin he nape niyuzapi, qa Markos Barnabas tonśkaku nakun. He iwahoniyanpi, niyepi ekta niipi kinhan ti mahen u śi po:

I. Thessalonike 2:10

Niye sdonyayapi, qa Wakantanka nakun, tona wicayadapi kin en, wakanyan, owotanna, qa iyaonpepica śni unyakonpi.

Philemon 1:12

Niye he iyowinkiya wo, minagi kin hee kaeś iyececa.

Philemon 1:17

Kodayapi iyecen mayaduha hecinhan, he miye iyecen ake ehdaku wo.

II. Johannes 1:10

Tuwe en niipi qa woonspe kin de yuhe śni kinhan, kin u śipi śni po, qa wookiye eciyapi śni po.