II. Korinth 10:3 - Dakota Wowapi Wakan Kin

³ Wicaceḣpi kin en maunnipi eśta, wicaceḣpi eciyatanhan unkicizapi śni.

II. Korinth 10:3 ပူးပေါင်းရင်းမြစ်များ

Roma 7:5

Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 8:13

Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.

Roma 8:4

Hecen tona wicaceḣpi kin eciyatanhan maunnipi śni, tuka Woniya eciyatanhan, unkiyepi en woope wicoowotanna kin ecetu kta.

II. Korinth 1:17

Hecen wacin mduze c̣ehan, hehan iyowiḣan wacin mduza he; qa token mic̣iconze cin he wicaceḣpi eciyatanhan mic̣iconze c̣a hecen, Han, han, hiya, hiya, eya waun he.

II. Korinth 10:4

Wipe unkunpi kin hena wicaceḣpi kin heca śni, tuka waśaka, Wakantanka on, inatake suta kin yujuju ece:

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

I. Timotheos 1:18

Timotheos micinkśi, woope kin de cic̣u, niye on wokcanpi tokaheya ekta un qon hena eciyatanhan, hecen hena on ozuye waśte en akicita oyape kta;

II. Timotheos 4:7

Okicize waśte kin ecamon, woinyanke kin ihuniwakiya, wacinyanpi kin he hduha waun;

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.