II. Inyan 3:9 - Dakota Wowapi Wakan Kin

⁹ Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

II. Inyan 3:9 ပူးပေါင်းရင်းမြစ်များ

Roma 13:11

Qa nakun kaketu, anpetu kin sdonuayanpi, woiśtinma etanhan unkiktapi kte cin wanna iyehantu; nakaha eunhdakupi kte cin tokaheya wicaundapi qon he isanpa ikiyadan ihan;

Roma 13:12

Hanyetu kin wanna ecadan unkihunipi kta, anpetu kin kohanna u kta, heon etanhan otpaza wicoḣan kin eḣpeunyanpi, qa iyoyanpa wipe kin kounyakapi kta.

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Roma 9:22

Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;

I. Timotheos 1:16

Tuka heon etanhan onśimadapi, hecen miye en tokaheya Jesus Messiya wawacinkta yuza tanka owasin hdutanin kta, wicani kta e on wicadapi kte cin hena waonspewicawakiye kta e heon.

I. Timotheos 2:4

He iye wicaśta owaain nipi, qa wowicake sdonyapi kin en hipi kte cin he cin.

Hebrew 10:37

Wanna aśkadan tuwe u kte cin he hi kta, qa yutehan kte śni.

I. Inyan 3:20

Hena e ehanna waanagoptanpi śni, Wakantanka wawacinkta yuza tanka tehan awicape, Nowa taanpetu kin en, wita wata kagapi kin icunhan, he ohna tonana, wicanagi śahdoganna mini on nipi.

II. Inyan 1:4

Hena on taku tanka ḣinca, qa taku teḣike ḣinca iwahounyanpi; hecen hena on Taku Wakan ouncage kin en oyapapi kta, wiconi kin de en wocantiheye śica on wicośice nayecipapi kin.

II. Inyan 3:15

Qa Itancan wawacinkta yuza tanka kin he wiconi kecankin po; Palos, hunkawaniinunyanpi waśte kin, iś eya woksape qupi kin eciyatanhan, wowapi nicagapi kin iyececa;

Wayuotanin 2:21

Unkan he wawiciḣaḣapi econ kin on iyopeic̣iye kta e anpetu waqu, tuka iyopeic̣iye śni.