II. Inyan 3:7 - Dakota Wowapi Wakan Kin

⁷ Tuka maḣpiya qa maka nakaha un kin hena iye oie kin on kihnakapi, peta on ayuhapi, woyaco anpetu qa wicaśta śica śitkihdawicayapi kte cin hehantu.

II. Inyan 3:7 ပူးပေါင်းရင်းမြစ်များ

Mattheos 10:15

Awicakehan heciciyapi; Woyaco anpetu kin en otonwe kin he teḣiya un kta, Sodom qa Gomorra makoce kin isanpa.

Mattheos 11:22

Heon etanhan heciciyapi; Woyaco anpetu kin en, teḣiya yaunpi kta, qa Turos Sidon kici aopten unpi kta.

Mattheos 11:24

Heon etanhan heciciyapi; Woyaco anpetu kin en teḣiya yaun kta, qa Sodom makoce kin ahecece kta.

Mattheos 12:36

Tuka wicoie waśte śni otoiyohi wicaśta eyapi kin hena on woyaco anpetu kin en ohdakapi ece e kta, he miye eciciyapi

Mattheos 24:35

Maḣpiya maka ko ihanke kta, tuka mioie kin owihanke kte śni.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Markos 6:11

Qa tona iyowinniciyapi śni qa ananigoptanpi śni kinhan, tohan hetanhan dapi kinhan, owicadakapi kta e heon watuśekśeca siha etanhan yahdatatapi kta. Awicakehan heciciyapi; Woyaco anpetu kin en, otonwe kin he kakije kte cin Sodom qa Gomorrah ahecece kta.

Johannes 12:48

Tuwe amaktaśni, qa mioie kin icu śni kinhan he tuwe yaco kte cin hduha; wicoie omdake cin anpetu ihankeya kin en yaco kte cin hee.

Roma 2:5

Tuka cante niteḣika, qa nihduecetu śni kin eciyatanhan, wocanniye anpetu, qa Wakantanka owotanna wicayaco kin yutaninpi iyehantu kte cin en, wocantiyahde amnayaya he.

I. Korinth 3:13

Otoiyohi oḣan kin atanin kta; anpetu kin he yuotanin kta, peta on yuotaninyan aye kta; qa peta kin otoiyohi oḣan kin he taku kin iyukcan kta.

Philippi 1:28

Qa tona toka niyanpi kin hena on, ihnuhan taku ininihanpi kin: hee hena en wicotakuni śni au kta yuotanin, tuka heon niyepi kin en wiconi Wakantanka etanhan au kta otanin.

II. Thessalonike 2:3

Ihnuhan tuwe taku on nihnayanpi kin; woayuśtan wan tokaheya u kta, qa woaḣtani Wicaśta kin wicotakuni śni cinhintku kin hee e yutaninpi kta.

I. Timotheos 6:9

Tona watonpika cinpi kinhan, hena taku wawiyutanyan un, qa mazaḣtakiyapi en iyoḣpayapi, qa witkotkoya cantiheyapi śica ota on kiumyanpi ece kin hena en, hena e waihangyapi, wicotakuni śni ko mahen wicaśta kin ocowasin iyoḣpewicayapi ece.

Hebrew 12:29

Wakantanka unkitawapi kin he peta waḣuḣnaḣye cin heca.

II. Inyan 2:9

Itancan kin wicaśta waśte wowiyutanye kin etanhan token ewicahdaku kta sdonya, qa nakun wicaśta owotanna śni kin woyaco anpetu kin hehanyan wicayuhe kta, śitkihdawicayapi kta e heon:

II. Inyan 3:10

Tuka Itancan taanpetu kin wamanon sa wan hanyen hi ece kin he iyecen u kta, hehan maḣpiya kin ḣmunḣmunyan hinhda on tokan iyaye kta, qa taku kin peta ḣinca on skan kta; qa maka kin wicoḣan ohna un kin hena ḣuḣnage kta.

II. Inyan 3:12

Wakantanka taanpetu u kte cin he ayapepi qa on inayaḣnipi kta; he en maḣpiya kin aide ecen atakuni kte śni, qa taku kin peta tanka ḣinca on skan kta.

I. Johannes 4:17

Deciyatanhan wocantekiye unkiyepi en unkiciyuśtanpi ece, hecen woyaco anpetu kin en wowaditake unhapi kta: iye un kin unkiś iyecen wicoicage kin den unyakonpi ece.

Judas 1:7

Sodom qa Gomorra iyececa, qa otonwe hena ihdukśan wanke cin, hena iś eya iyecen wiinaḣmanpi kin en ic̣ic̣upi, qa wicaceḣpi toktokeca akitapi ece qon hena e woonspe on ehdepi, qa peta owibanke wanica on wośitkihda en unpi.

Wayuotanin 17:11

Qa wamanica wandake ciqon he un qon, qa un śni kin, he iciśahdogan kin ee, śakowinpi kin he etanhan, qa wicotakuni śni ekta hde kta.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.

Wayuotanin 20:11

Hehan oiyotanke ska tanka wan wanmdaka, qa tuwe akan iyotanke cin he ite kin etanhan maka maḣpiya ko najicapi; qa tukten wanke kte cin iyeyapi śni.

Wayuotanin 21:1

Hehan maḣpiya teca qa maka teca wan wanmdaka. Maḣpiya tokaheya qa maka tokaheya kin hena yutokan iyeyapi, qa miniwanca wanica.