II. Inyan 3:16 - Dakota Wowapi Wakan Kin

¹⁶ He wowapi kage cin owasin en taku hececa cajeyata ece; hena wanjikśi okaḣniḣ teḣika, tona onspepi śni qa kaktihanhon unpi kin yatokecapi, wowapi unma kin iyececa, iye ihdutakunipi kte śni heon.

II. Inyan 3:16 ပူးပေါင်းရင်းမြစ်များ

Mattheos 15:3

Unkan iye waayupte c̣a hewicakiya; Qa niś nakun tokeca woope odakapi kin on Wakantanka toope kin acayakśinpi he.

Mattheos 15:6

Hecen woope odakapi kin on Wakantanka toope kin dutakunipiśni.

Mattheos 22:29

Jesus waayupte c̣a hewicakiya; Yanunipi, wowapi wakan qa Wakantanka towaśake kin sdonyayapi śni.

Philippi 3:19

Hena owihanke kin he wicotakuniśni; iye tezipi kin Wakantanka yapi, wowiśtece kin en iwinktapi, qa taku makata un kin awacinpi ece.

Hebrew 5:11

Wicaśta kin he on taku ota unkoniciyakapi kta, tuka oyakapi teḣika, wanaḣon yahunkapi śni nakaeś.

Jakob 1:8

Wicaśta tawacin nonpa kin he tacanku owasin ohna kaktihanhan un ece.

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

I. Inyan 2:8

Tona wicoie kin on śinhdapi qa waanagoptan śni unpi kin hena on; heon hecen ewicahdepi.

II. Inyan 2:1

Tuka he ehan oyate kin ehna wicaśta wokcan itonpi śni yukan qon, he iyecen niyepi kin ehna waonspekiya itonpi śni kin heca yuke kta, naḣmana wohnuni woihangye kin en aupi kta, Itancan opewicakiton qon he eḣpeyapi, qa wicotakuniśni oḣanko amnaic̣iyapi kta.

II. Inyan 2:14

Iśta yukanpi wiinaḣmanpi kin on ojudan qa woaḣtani ayuśtanpica śni; wicanagi kacegya unpi kin hena wicahnayanpi ece; cante wawicakipi e ecewakta kin heca yuhapi, wicotakuniśni cincapi kin:

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

II. Inyan 3:2

Hecen wicaśta wokcan wakan token oieyapi qon, qa nakun unkiye Itancan qa Wanikiya yeunśipi qon token econ unniśipi kin hena yeksuyapi kta.

Judas 1:4

Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.