II. Inyan 3:12 - Dakota Wowapi Wakan Kin

¹² Wakantanka taanpetu u kte cin he ayapepi qa on inayaḣnipi kta; he en maḣpiya kin aide ecen atakuni kte śni, qa taku kin peta tanka ḣinca on skan kta.

II. Inyan 3:12 ပူးပေါင်းရင်းမြစ်များ

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Philippi 1:6

Unkan he sdonwaya; tuwe tokaheya oḣan waśte nicicagapi kin he niciyuśtanpi kta, Jesus Messiya anpetu tawa kin hehanyan.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

II. Inyan 3:10

Tuka Itancan taanpetu kin wamanon sa wan hanyen hi ece kin he iyecen u kta, hehan maḣpiya kin ḣmunḣmunyan hinhda on tokan iyaye kta, qa taku kin peta ḣinca on skan kta; qa maka kin wicoḣan ohna un kin hena ḣuḣnage kta.

II. Inyan 3:11

Hena taku kin owasin hecen skan kta hecinhan, wicoḣan waśte qa Taku Wakan iyececapi kin en taku wicaśta yaunpi kta iyececa he:

II. Inyan 3:4

Qa heyapi kta; Hi kta keyapi qon he tukte e he; wicahunkake iśtinma iḣpayapi ehantanhan otokaheya tanhan taku owasin tokeca śni wanka ce.

II. Inyan 3:7

Tuka maḣpiya qa maka nakaha un kin hena iye oie kin on kihnakapi, peta on ayuhapi, woyaco anpetu qa wicaśta śica śitkihdawicayapi kte cin hehantu.

Judas 1:21

Wakantanka waśtedakapi kin en ihduha po; qa Jesus Messiya Itancan unyanpi towaonśida wiconi owihanke wanica iyahde kte cin he ape yukan po.