II. Inyan 2:9 - Dakota Wowapi Wakan Kin

⁹ Itancan kin wicaśta waśte wowiyutanye kin etanhan token ewicahdaku kta sdonya, qa nakun wicaśta owotanna śni kin woyaco anpetu kin hehanyan wicayuhe kta, śitkihdawicayapi kta e heon:

II. Inyan 2:9 ပူးပေါင်းရင်းမြစ်များ

Mattheos 10:15

Awicakehan heciciyapi; Woyaco anpetu kin en otonwe kin he teḣiya un kta, Sodom qa Gomorra makoce kin isanpa.

Mattheos 6:13

Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Roma 2:5

Tuka cante niteḣika, qa nihduecetu śni kin eciyatanhan, wocanniye anpetu, qa Wakantanka owotanna wicayaco kin yutaninpi iyehantu kte cin en, wocantiyahde amnayaya he.

I. Korinth 10:13

Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

II. Timotheos 3:12

Qa tona Jesus Messiya en owotanna oḣanyan cinpi kin hena owasin śicaya wacakuwapi kta.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

II. Inyan 3:7

Tuka maḣpiya qa maka nakaha un kin hena iye oie kin on kihnakapi, peta on ayuhapi, woyaco anpetu qa wicaśta śica śitkihdawicayapi kte cin hehantu.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.