II. Inyan 2:10 - Dakota Wowapi Wakan Kin

¹⁰ Tuka tona woaśamye cantiheyapi kin en wicaceḣpi eciyatanhan manipi, qa wokiconze waḣtedapi śni kin hena iyotan: hena waḣanic̣idapi qa wamnaic̣idapi ece; qa tona tankapi kin wicayaśicapi kokipapi śni.

II. Inyan 2:10 ပူးပေါင်းရင်းမြစ်များ

Lukas 11:25

Unkan en hdi eca, wanna kahintapi qa ayuco yuśtanpi iyekiya ece.

Lukas 19:14

Tuka taoyate kin waḣtedapi śni, qa tuwe iyahna yeśipi, qa heyapi; Wicaśta kin de unkidakapi kta uncinpi śni ce.

Olianyanpi kin 23:5

Unkan Palos, Hunkawanjinciyapi, he wawayuśna itancan kin ee sdonwaye śni, eya; Wowapien kaken kagapi, Nitaoyate kin en wicaśta itancan kin daśice kte śni ce.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

II. Korinth 10:3

Wicaceḣpi kin en maunnipi eśta, wicaceḣpi eciyatanhan unkicizapi śni.

Ephesos 4:19

Hena iyasaka icaḣ ayapi, qa wicaśtapi śni kin en iyoḣpeic̣iyapi, taku aśapapi kin owasin wohitiya econpi kte cin heon.

Ephesos 5:5

He de sdonyayapi, tuwe wawiciḣaḣapi econ, qa tuwe waaśape cin, qa tuwe waicucukte cin, he wakagapi cekiya ece, hena wanjidan eśta Messiya qa Wakantanka kici tokiconze kin en takudan tawapi kte śni.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

I. Thessalonike 4:7

Waaśapapi kin ekta Wakantanka unkicopi śni, tuka unyuecepidan kte cin heon.

II. Timotheos 3:2

Hehan wicaśta kin waśteic̣idapi kta, mazaska waśtedakapi, wamnaic̣idapi, waḣanic̣idapi, hunkakeyapi kin anawicakigoptanpi śni, wapidapi śni, owotanpidan śni;

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Hebrew 13:4

Owasin en wakan kiciyuzapi kin he woyuonihan, qa ohehdepi aśamyapi śni kin; tuka wicawihomnipi qa wawiciḣaḣapi econpi kin hena Wakantanka wicayaco kta.

II. Inyan 3:3

Qa de tokaheya sdonya po, anpetu ehake kin en waiḣaḣapi, iye cantiheyapi śica eciyatanhan manipi kin heca hipi kta;

Judas 1:10

Tuka dena e qe taku sdonyapi śni kin hena yaśicapi ece: tuka iye icagapi kin eciyatanhan taku sdonyapi kin hena on ihduśicapi, woteca ia okitpanipi kin iyececa.

Judas 1:16

Hena e wihnupi sa, wawiyaonpapi sa, iye cantiheyapi kin eciyatanhan manipi ece; qa i eciyatanhan waḣanḣanic̣idaya iapi, qa taku on etanhan wicaśta itohnake kin waśtedakapi ece.

Judas 1:18

Anpetu ihankeya kin en wicaśta wawiḣaḣapi kin yuke kta, iye cantiheyapi śice cin eciyatanhan manipi kin, he oniciyakapi qon.

Judas 1:4

Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.