II. Inyan 1:5 - Dakota Wowapi Wakan Kin

⁵ Qa nakun he on nina mniheic̣iya po, wacinyayapi kin en waditakapi kin ikoyagya po; qa waditakapi kin en wosdonye;

II. Inyan 1:5 ပူးပေါင်းရင်းမြစ်များ

Lukas 16:26

Qa nakun unkiyotahedan kaksiza wan tanka yanka; hecen tona deciya tanhan niye ekta ye wacinpi keś okitpanipi ece; qa nakun heciya tanhan den ekta unhipi kta okitpanipi ece.

Lukas 24:21

Tuka Israel opewicakiton kte cin hee unkiś unkecinpi tuka; unkan heconpi kin ehantanhan wanna anpetu kin de iyamni.

Johannes 6:27

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

I. Korinth 14:20

Mihunkawanji, wookahnige en hokśiyoqopa unpi śni po; tuka wicotawacin śice cin en hokśiyoqopa po, qa wookaḣnige kin en wicaśta tanka un po.

Ephesos 5:17

Heon etanhan wacin ksapa po, qa Itancan token tawacin in sdonya po.

Philippi 1:9

Qa he de icewakiya, waśte yadakapi kin he wosdonye wiyukcanpi ko owasin en, sanpa qa sanpa tankaya aye kta:

Philippi 2:12

Heon waśte cicidapi kin, ohinniyan nayaḣonpi kin he iyecen, en cicipi waun kin hecedan śni, tuka nakaha en waun śni eśta, sanpa wokokipeya cancanic̣iya yanipi kte cin hduśtan po.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

Kolosse 1:9

Heon anpetu kin he naunḣonpi; kin ehantanhan niyepi on cekiya unkayaśtanpi śni, qa woksape owasin, wookaḣnige ko en, iye tawacin sdonyapi kin on, onijupidan kte cin he unkidapi ece.

Kolosse 2:3

Iye en woksape, qa wookahnige woyuha kin owasin naḣmanpi.

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Hebrew 12:15

Qa tuwe Wakantanka to waonśida kin iyohi kte śni naceca, heon aic̣iciya iwanihdaka po, okinni can hute paza icage c̣a, nugiyeniyanpi kta, qa hecen wicota aśamyapi kta.

Hebrew 6:11

Unkan niyepi otoiyohi owihanketa, woape woyuśtan kte cin hehanyan iyecen amnihenic̣iyapi kta uncinpi.

I. Inyan 3:7

Nakun wicaśta yaunpi kin, wosdonye eciyatanhan om yukan po, nitawinpi wakśica wankadan iyececa, qa om wiconi wowaśte kin tawanic̣iyapi kta iyecen wicahduonihan po; hecen wocekiye nitawapi kin kagipi kte śni.

II. Inyan 1:10

Heon etanhan, mihunkawanji, nicopi qa nicaḣnigapi kin aic̣iciya hdusuta po; hena hecen ecanonpi kinhan icimana nihinḣpayapi kte śni.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.