II. Inyan 1:4 - Dakota Wowapi Wakan Kin

⁴ Hena on taku tanka ḣinca, qa taku teḣike ḣinca iwahounyanpi; hecen hena on Taku Wakan ouncage kin en oyapapi kta, wiconi kin de en wocantiheye śica on wicośice nayecipapi kin.

II. Inyan 1:4 ပူးပေါင်းရင်းမြစ်များ

Roma 9:4

Hena Israel wicaśta kin hecapi, qa atayedan cinkśi wicaye cin hena ecpi, qa wowitan, qa wicotakuye, qa woope wicaqupi kin, qa wawokiyapi kin, qa wahoyapi kin hena tawapi.

II. Korinth 1:20

Wakantanka iwahounyanpi kin hena owasin iye en, Han hee, qa iye en Amen, unkiyepi kin etanhan Wakantanka yatanpi kte cin heon.

II. Korinth 3:18

Tuka unkiye owasin itohnake kin en takudan unkaḣpapi śni, ihdiyomdasin en wawanyakapi kin iyecen Itancan towitan kin wauunyakapi, qa iye ouncage kin iyecen unkagapi, wowitan sanpa wowitan kin en, Itancan Taniya kin on etanhan iyececa.

II. Korinth 6:17

Heon etanhan hena cokaya tanhan tankan upi, qa icunonpa un po, Itancan kin eya, qa taku aśape cin oyutanpi śni po, kinhan miś tawa ciyapi kta;

Galatia 3:16

Abraham iye cinca kici wahoyapi; Cincapi kin eye śni, hehan ota kapi kta, tuka wanjidan, qa, Nicinkśi kin, he Messiya kin ec.

Galatia 6:8

Tuwe iye ceḣpi kin wokiciju kinhan, he wicaceḣpi kin etanhan wicotakuni śni mnaye kta; qa tuwe Woniya kin wokiciju kinhan, he Woniya kin eciyatanhan wiconi owihanke wanica mnaye kta.

Ephesos 4:13

Tohan owasin okonwanjidan wacinyanpi, qa Wakantanka Cinhintku sdonyapi kin ekta, qa wicaśta tanka Messiya toojudan kin iyehankeca iyutapi kin ekta iyounhipi kte cin hehanyan.

Kolosse 3:10

Qa wicaśta teca kin he wosdonye kin on yutecapi, waicaḣya ouncage kin eciyatanhan, he kodakapi.

Hebrew 12:10

Hena e anpetu tonana hehanyan, token iyokipipi kin hecen iyopeunkiyapi; tuka he qe unwaśtepi kte cin he on, hecen iye towakan kin en ounpapi kta.

Hebrew 9:15

Qa heon etanhan, Wicotakuye Teca kin en Iyotahedan un kin he iye, hecen wicotakuye tokaheya ihukuya waḣtanipi qon hena kajuju kta e on ṭe cin, he eciyatanhan tona wicakico kin owihanke wanin taku tawapi kte cin iwahowicayapi qon he yuhapi kta.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Inyan 3:13

Hececa eśta, unkiye, iye wahounyanpi kin eciyatanhan, maḣpiya teca qa maka teca en woowotanna ounye cin he wanunyakapi kta e unkapepi.

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

I. Johannes 2:25

Unkan wahoyapi qon taku iwahounyanpi kin, owihanke wanin wiconi kin hee.

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.