II. Inyan 1:12 - Dakota Wowapi Wakan Kin

¹² Heon etanhan taku hececa ohinniyan kiksuyeciciyapi kta awektonje kte śni, hena niye ḣinca sdonyayapi, qa nakaha wowicake kin de en sutaya nihdepi eśta.

II. Inyan 1:12 ပူးပေါင်းရင်းမြစ်များ

Olianyanpi kin 16:5

Hecen okodakiciye kin wacinyanpi kin en wicayusutapi, qa anpetu otoiyohi nina yuota aya.

Philippi 3:1

Ehake mihunkawanji, Itancan kin en iyuśkin po. Taku kin dena on wowapi cicagapi kin he miye teḣike wadake śni, qa niyepi kin oh waśte.

Kolosse 1:5

Woape maḣpiya kin ekta enicihnakapi kin on, he ehanna wotanin waśte wicoie wicakapi kin en nayaḣonpi kin;

Kolosse 2:7

Iye en sutaya hu nihdepi, qa en tinicagapi, qa wowacinye kin ṭinsa ayahanpi kta, onspeniciyapi qon he iyececa, qa en wopida cyapi kin sanpa ota ecanonpi kta.

I. Timotheos 4:6

Hena taku kin hunkawanjinkiciyapi kin kiksuyewicayaye cinhan, Jesus Messiya taokiye waśte yaun kta, wacinyanpi, wicoie, qa woonspe waśte ekta iyohiyaye cin hena en tanyan icaḣniyanpi kta.

II. Timotheos 1:6

Heon etanhan kiksuyeeiye kta, Wakantanka taku nic̣u kin, nape aciputake cin eciyatanhan, he amnihenic̣iye kta.

Hebrew 10:32

Anpetu tokaheya kin kiksuya po, hena en iyoyamniyanpi, qa hehan wicokakije okicize tanka wan iyahdeniciyapi.

Hebrew 13:9

Ihnuhan woonspe otakiya qa toktokeca on yutokan iyeniyanpi kinhan; woyute tona he awacinpi qon takudan okihiwicaye śni kin he wicacante kin yusuta śni, tuka wowaonśida kin on yusutapi kin he waśte.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

I. Inyan 5:12

Siluanos nihunkawanjipi wan wacinyepica wadake cin on wowapi ptecedan cicagapi; wahokonciciyapi qa wociciyakapi, Wakantanka towaśte wicakapi en nayajinpi kin he dee ce.

II. Inyan 1:13

Tohanyan wakeya kin de ohna waun kin hehanyan kiksuyeciciyapi kin on iyocipaśtakapi kte cin he hecetu wadake:

II. Inyan 1:15

Tuka nakun detanhan imdamde cin iyohakam, taku kin dena ohinniyan yeksuya oyakihipi kta e awakite kta.

II. Inyan 3:1

Waśtecicidapi kin, de nakaha wowapi inonpa cicagapi; hena en nitawacinpi mdesahan kiksuyapi on iyocipaśtakapi.

II. Inyan 3:17

Heon etanhan, waśtecicidapi kin, niś niyepi hena itokam sdonyayapi, heon ihnuhan wicaśta śica wohnaye kagapi kin nihnayanpi, qa sutaya nihdepi kin etanhan nihinḣpayapi kinhan.

I. Johannes 2:21

Wowicake kin sdonyayapi śni kin heon wowapi cicagapi śni; tuka he sdonyayapi, qa woitonśni takudan wowicake kin eciyatanhan u śni, heon etanhan.

II. Johannes 1:2

Wowicake kin en unyakonpi, qa owihanke wanin unkicipi un kte cin heon etanhan.

Judas 1:17

Tuka waśtecicidapi kin, niyepi, Jesus Messiya Itancan unyanpi yewicaśi qon hena oiepi ehanna eyakapi qon hena kiksuya po;

Judas 1:3

Waśtecicidapi kin, wiconi ptaya unhapi kin on aic̣iciya wowapi cicagapi eca, wowacinye ehanna wicaśta wakan wicaqupi qon he nina yakitanpi kta e un wowapi cicagapi, qa wahokonciciyapi kta iyececa.

Judas 1:5

Heon etanhan, taku, ehanna sdonyayapi eśta, he ake kiksuyeciciyapi kta wacin, Itancan kin oyate kin Egupta etanhan ehdaku, qa iyohakam tona wicadapi śni kin hena ihangwicaye cin.