Hebrew 8:3 - Dakota Wowapi Wakan Kin

³ Wawayuśna otoiyohi taku kicic̣upi, wośnapi ko wayuśna kta e kagapi; heon wicaśta kin de iś eya taka wayuśna hduhe kta e hecetu.

Hebrew 8:3 ပူးပေါင်းရင်းမြစ်များ

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Roma 4:25

Iye waunḣtanipi kin on wicaqupi, qa owotanna unyawapi kte cin on ake najinkiyapi qon.

Roma 5:6

Takudan unkokihipi śni kin he icunhan, wanna iyehantu qehan Messiya waḣtanipi sa kin on ta.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

Ephesos 5:2

Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

Hebrew 5:1

Wawayuśna itancan otoiyohi, wicaśta etanhan icupi kin, he Wakantanka taku tawa kin en, wicaśta on etanhan ehdepi, taku kicic̣upi, woaḣtani on wośnapi kin hena ko wayuśna kta e heon.

Hebrew 7:27

He iye, wawayuśna kin hena iyecen, anpetu iyohi, tokaheya iye waḣtani kin on, qa hehan oyate waḣtanipi kin on etanhan wośna kte cin he iyecece śni; wancadan hecon, iye atayedan waihduśna qon he ehan.

Hebrew 8:4

Maka akan un unkanś, Wawayuśna kin heca kte śni; wawayuśna woope kin eciyatanhan taku kicic̣upi kin wayuśnapi ece kin hena yukanpi kin heon.

Hebrew 9:14

Sam iyeya Messiya, Woniya owihanke wanice cin eciyatanhan, Wakantanka en iyaonpepica śni waihduśna qon, he iye we kin, wiconṭe wicoḣan kin etanḣan nagi nipakintapi kta, Wakantanka ni un kin wowidag niyanpi kte cin heon.