Hebrew 4:3 - Dakota Wowapi Wakan Kin

³ Tuka tona wicaundapi kin okiḣpapi kin en ounpapi kta; heye ciqon iyececa; Śinwahda on okiḣpapi mitawa kin en opapi kte śni ce, epa ce; maka icage cin hehantanhan wicoḣan kin yuśtanpi tuka.

Hebrew 4:3 ပူးပေါင်းရင်းမြစ်များ

Mattheos 13:35

Hecen wicaśta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anaḣmanpi kin he omdake kta ce.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Ephesos 1:4

He en maka kagapi kin itokam unkaḣnigapi qon iyececa, unwakanpi kta qa iye itokam wowaśte en iyaonpepica śni unyakonpi kte cin heon:

Hebrew 3:11

Hecen śinwahda qa, Okiḣpapi mitawa kin en yapi kte śni ce, eya wakonza.

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

I. Inyan 1:20

Iye qe maka kin de kagapi śni itokam wakiconzapi, tuka anpetu ihankeya kin dena en yutaninpi, niyepi kin on;