Hebrew 4:2 - Dakota Wowapi Wakan Kin

² Wotanin waśte kin unkokiyakapi, iś iyepi kin iyececa; tuka wicoie naḣonpi qon he owicakiye śni, tona naḣonpi kin wowacinye icicahiyapi śni kin heon etanhan.

Hebrew 4:2 ပူးပေါင်းရင်းမြစ်များ

Olianyanpi kin 13:46

Hehan Palos Barnabas kici waditake ic̣icagapi qa heyapi, Wakantanka oie kin niyepi tokaheya oniciyakapi kta e hecetu; tuka he ayaktapi śni, qa owihanke wanin wiconi kin iyenihantupi śni nihdukcanpi kin heon, iho, Ikcewicaśta kin ekta unkihdamnanpi.

Olianyanpi kin 3:26

Wakantanka iye Cinhintku Jesus najinkiye c̣a niyawśśtepi kta e on niyepi tokaheya en u śi, otoiyohi wayaḣtanipi kin etanhan ihduhomni niyanpi kta e heon.

Roma 2:25

Woope kin oyape cinhan, awicakehan bakiḣdayapi kin taku okihi ece; tuka woope yakaksa ece kinhan, baniciḣdayapi kin he bakiḣdayapi śni icaga.

Roma 3:3

Qa wanjikji wicadapi śni eśta, hecen tokeca kta he. Hena wicadapi śni kin he Wakantanka wacinyanpi kin ecetu śni ye kta he.

I. Korinth 13:3

Qa taku mitawa kin owasin won wicayapi kin en wahdusote c̣a, mitancan kin hee kaeś ḣuḣnage kta e waqu eśta, wacanwakiye śni ehantanhan takudan iciyopteya waun śni.

Galatia 3:2

Decedan omayakidakapi kta wacin, woope wicoḣan kin on, qa wacinyan anagoptanpi kin, unma tukte eciyatanhan Woniya kin iyaeupi he.

Galatia 3:8

Wacinyanpi kin on Wakantanka Ikcewicaśta kin wicayaowotanna kte cin, he Wowapi wakan otokaheya tanhan wanyake c̣a, hecen tokaheya Abraam wotanin waśte kin okiyaka; Niye en oyate kin owasin wicayawaśtepi kta ce.

Galatia 4:13

Tokaheya ekta wicaceḣpi waśake śni on wotanin waśte kin ociciyakapi kin he sdonyayapi.

I. Thessalonike 1:5

Wotanin waśte unkitawapi en niipi kin he wicoie ecedan en un śni, tuka wowaśake nakun en, qa Woniya Wakan, qa tanyan sdonyapi kin en; niyepi ehna, qa niyepi on etanhan wicaśta tounkecapi kin sdonyayapi.

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Hebrew 3:12

Mihunkawanji, wakta po, okinni cante wicada śni, qa śice cin en niunpi, on Wakantanka ni un kin aduśtanpi kta.

Hebrew 4:6

Heon etanhan, hunḣ en opapi kte cin he tokata ihan, qa tuna tokaheya wotanin waśte owicakiyakapi qon hena wicadapi śni kin heon en opapi śni.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

I. Inyan 1:12

Unkan, iś iyepi kte śni, tuka tona wotanin waśte, Woniya Wakan maḣpiya eciyatanhan kun u śipi kin iyahna sdonyeniyanpi kin eqe nakaha taku oniciyakapi kin hena unkiyepi on yuhapi e owicakiyakapi; taku kin hena maḣpiya ohnihde kin en eyokasin wacinpi.