Hebrew 3:3 - Dakota Wowapi Wakan Kin

³ Tuwe ticage cin he tipi kin sam iyeya yuonihanpi ece kin, he iyecen he qe Moses kapeya wowitan tanka yuha.

Hebrew 3:3 ပူးပေါင်းရင်းမြစ်များ

Mattheos 16:18

Qa miś nakun heciciya; Inyan he niye, qa imnija kin de akan okodakiciye mitawa wakage kta; qa wakanśica tatiyopa kin he yujuju kte śni.

I. Korinth 3:9

Wakanṭanka kici ḣtanipi kin hena unkiyepi; Wakantanka tamaga, qa Wakantanka tipi kage cin he niyepi.

II. Korinth 3:7

Wiconṭe wawokiyapi kin he owapi, qa inyan akan pagopiqon he wowitan yuhe cin, on Israel cinca kin Moses itohnake wiyatpa kin he opaḣta yukanpi kta okihipi śni hecinhan, wowitan kin he enakiyapi tuka;

Kolosse 1:18

Qa iye tancan kin okodakiciye kin hee, qa pa kin he iye, qa otokahe kin, wiconṭe etanhan tokaheya tonpi kin hee, hecen iye taku owasin en tokapa un kta.

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

Hebrew 3:4

Tipi otoiyohi tuwe kaga; tuka tuwe taku owasin kage cin he Wakantanka ee.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.