Hebrew 2:9 - Dakota Wowapi Wakan Kin

⁹ Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

Hebrew 2:9 ပူးပေါင်းရင်းမြစ်များ

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 6:28

Qa tokeca wokoyake on iyokiśinniciyapi he; tinta mnaḣcaḣca kin wanyaka po, icage cin; ḣtani śni qa nakun wapahmun śni;

Markos 9:1

Hehan hewicakiya; Awicakehan heciciyapi; den najinpi etanhan wanjikji wiconṭe utapi śni itokam, Wakantanka tokiconze wowaśake on hi wanyakapi kta.

Lukas 9:27

Tuka awicakehan heciciyapi; Den najinpi kin apa Wakantanka tokiconze kin tohanyan wanyakapi śni kin hehanyan ṭapi kte śni.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 10:17

Wiconi mitawa eḣpewakiye c̣a, ake ewehdaku kte cin heon Ate waśte makidaka.

Johannes 12:32

Qa tohan maka kin detanhan wankan emahdepi kinhan, wicaśta kin owasin miye en iwicawacu kta, eya.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 3:13

Abraham, qa Isaak, qa Jakob Wakantanka tawapi; hunkake wicunyanpi Wakantanka tawapi kin he Cinhintku Jesus wanna hdutan; he niyepi e wicayaqupi, qa Pilate itokam yakipajinpi, he iye kiyuśke kte ḣinca tuka.

Roma 5:18

Heon etanhan woaḣtani wanjidan eciyatanhan, wicaśta owasin en wiconṭe iwicayacopi kin aupi; he iyecen woowotanna wanjidan on etanhan wiconi iwicayaowotanna kin he wicaśta owasin en aupi.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

II. Korinth 5:15

Qa he de unkiyukcanpi, wanji owasin on ṭe cinhan hehan owasin ṭapi tuka; qa owasin on ṭe cin, heon tona nipi kin hena iś iyepi on nipi kte śni, tuka tuwe hena on ṭe c̣a ake kini kin hee on nipi kta.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 4:4

Tuka wanna anpetu iyehantu qehan, Wakantanka iye Cinhintku kin u śi, winoḣinca wan etanhan icage c̣a woope kin oḣdateya kagapi.

I. Timotheos 2:6

He iye atayedan owasin opewicakiton kta e ic̣ic̣u, anpetu tawa kin waayatanin kte cin heon.

Hebrew 1:9

Woowotanna waśteyadake cin heon Wakantanka, nita Wakantanka kin, tona nitawaśi kin hena isanpa wowiyuśkin wihdi on sdaniyan ce.

Hebrew 10:5

Heon etanhan, makata hi qehan, Wośnapi, taku wicaqupi ko yacin śni, qa tancan wan miyecaga ce, eya.

Hebrew 11:5

Wacinyanpi kin eciyatanhan Henok wiconṭe wanyake kte śni e tokan ayapi, qa tuktedan iyeyapi śni, Wakantanka tokan aye cin heon. Tokan ayapi śni itokam Wakantanka iyokipiye cin he okiyakapi.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 2:7

Maḣpiya ohnihde kin kitanna ihukuya yakage c̣a, wowitan, woyuonihan ko wateśdake yecaton, qa taku nape on yakage cin hena yuheyakiya:

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

Hebrew 8:3

Wawayuśna otoiyohi taku kicic̣upi, wośnapi ko wayuśna kta e kagapi; heon wicaśta kin de iś eya taka wayuśna hduhe kta e hecetu.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

Wayuotanin 19:12

Iśta kin peta ide kin iyececa, qa pa kin akan wateśdake ota yukan; qa caje kin owapi, tuka he tuwedan sdonye śni, iye iśnana sdonkiya.

Wayuotanin 5:9

Qa odowan teca wan ahiyayapi, qa heyapi; Wowapi kin iyacu, qa ipuspe kin duḣdoke kta e iyenihantu ce, waniyuśnapi qa Wakantanka ekta niwe kin on opeunyakitonpi, wicoun otoiyohi etanhan, qa iapi kin, qa wicowazi kin, qa oyate kin otoiyohi etanhan;