Hebrew 1:3 - Dakota Wowapi Wakan Kin

³ He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 1:3 ပူးပေါင်းရင်းမြစ်များ

Mattheos 22:24

Qa heciyapi; Waonspekiye, Wicaśta wan cinca yuhe śni ṭe cinhan, tawicu qon he iye sunkaku yuze kta, qa cincu cinca icaḣkiciciye kta, Moses keye ciqon.

Markos 16:19

Hecen Itancan kin owicakiya, hehan maḣpiya ekta eyakupi, qa Wakantanka etapa eciyatanhan kiyotanka.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 1:4

Iye kin en wiconi; qa wiconi kin he wicaśta iyoyamwicaye cin hee.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 7:56

Qa heya; Wanyaka po, maḣpiya kin yuzamnipi, qa Wicaśta Cinhintku kin Wakantanka etapa kin eciyatanhan najin e wanmdaka ce, eya.

Roma 1:16

Messiya tawootanin waśte kin on imaśtece śni; he niwicaye kte cin on Wakantanka to waśake kin hee, tona wicadapi kin hena en, Juda wicaśta kin he tokaheya, qa hehan Helenes wicaśta kin hena.

Roma 8:34

Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

Kolosse 3:1

Heon etanhan, Messiya kici piya inicagapi hecinhan, taku wankantuya Wakantanka etapa kin eciyatanhan, Messiya kiyotanke cin hen, un kin hena akita po.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 1:13

Tuka ohnihdewicaye cin tukte wanji e, Mietapa kin en iyotanka wo, tona toka niyanpi kin hena nisiha woahe kin en ewicawahnake kta ce, eciya he.

Hebrew 10:12

Tuka wicaśta kin de, woaḣtani on wośna wanjidan wahduśna, hehan Wakantanka etapa kin eciyatanhan owihanke wanin kiyotanka;

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 4:14

Heon Wawayuśna Itancan tanka wan, Jesus Wakantanka Cinhintku, maḣpiya kin ekta iyaye cin hee unhapi kin heon wounhdakapi kin he sutaya unhduzapi kta.

Hebrew 7:27

He iye, wawayuśna kin hena iyecen, anpetu iyohi, tokaheya iye waḣtani kin on, qa hehan oyate waḣtanipi kin on etanhan wośna kte cin he iyecece śni; wancadan hecon, iye atayedan waihduśna qon he ehan.

Hebrew 8:1

Taku nakaha unkeyapi yuptahnakapi kin he dee; Wawayuśna Itancan kin hececa unhapi, maḣpiya ekta Otancanke oiyotanke etapa kin en kiyotanka;

Hebrew 9:16

Tukten wicotakuye wanji yukan hecinhan, hen wicotakuye kage cin he wanna ṭa e yutaninpi.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.

II. Inyan 1:16

Jesus Messiya Itancan unkiyapi towaśake qa hi kte cin hena unkoniciyakapi qehan, hitunkakanpi ksamya kagapi kin unkunpi śni, tuka iye tanka ḣince cin he iśta on wanunyakapi.

II. Inyan 1:17

Wakantanka Ateye cin eciyatanhan woyuonihan wowitan ko icu, wowitan waśte kin etanhan wicaho kin de hiyu qehan, Micinkśi waśtewakidake cin he dee, on iyomakipi ḣinca ce.

I. Johannes 1:7

Tuka iye iyoyanpa en un kin he iyecen iyoyanpa kin en maunnipi kinhan, otoiyohi okiciciya unyakonpi, qa iye Cinhintku Jesus Messiya we kin he woaḣtani owasin unkipakintapi kta.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

Judas 1:25

Wakantanka ecedan ksapa, Wanikiya unkitawapi kin hee, Jesus Messiya Itancan unyanpi kin eciyatanhan, wowitan, woyaonihan, wookihi qa wokiconze, dehantu qa wicoicage owasin hehanyan, tawa nunwe. Amen.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 4:11

Itancan, wowitan, qa wootanin, qa wowaśake iyacu kta e iyenihantu, taku owasin yakage c̣a nitoiyokipi kin on owasin kagapi qa ecen han.