Ephesos 6:9 - Dakota Wowapi Wakan Kin

⁹ Qa tona itancan yaunpi kin, niś eya he iyecen ecawicayeconpi kta, qa wakokipe wicayecagapi kte śni. Maḣpiya kin ekta iś iyepi qa niś niyepi nakun Itancan yakiyapi kin yanke c̣a, he ekta wicaśta itohnake yuonihanpi wanica, he sdonyayapi.

Ephesos 6:9 ပူးပေါင်းရင်းမြစ်များ

Mattheos 22:10

Hecen wowidake unpi kin hena canku ojate kin ektakta iyayapi, qa tona iyewicayapi, śica qa waśte ko, en awicaupi; hecen wakankiciyuzapi wicaśta ota en opapi.

Mattheos 22:8

Hehan wowidake tawa kin hewicakiya; Wakankiciyuzapi kin wiyeya yanka, tuka tona en wicakicopi qon hena opapi kta iyececapi śni.

Mattheos 24:48

Tuka wowidake śice cin he cante mahen, Itancan mitawa tehan hdi śni ce, eye cinhan;

Mattheos 24:51

Qa cokaya kicakse kta, qa wanaic̣iḣmanpi kin om taku yuhekiye kta; heciya wicaceya qa hi hdakinskinzapi yuke kta.

Mattheos 7:12

Heon etanhan taku tona wicaśta ecaniconpi kta yacinpi kinhan, hena owasin ecawicakicon po; woope qa wicaśta wokcanpi kin iho hee.

Lukas 6:31

Qa wicaśta kin token ecaniconpi yacinpi kin, he iyecen ecawicakicon po.

Johannes 13:13

Waonspekiya qa Itancan, emayakiyapi ece; he tanyan ehapi; he miye nakaeś.

Olianyanpi kin 10:34

Hehan Inyan i hdukawa qa heya; Awicakehan Wakantanka wicaśta itohnake kin iwanyake śni e imdukcan.

Roma 2:11

Wakantanka Wicaśta itohnake ekta etonwe śni ece.

I. Korinth 1:2

Wakantanka taokodakiciye Korinth ekta un qa Jesus Messiya on ecepidan kta, wakan wicakaḣnigapi kin hena eepi, qa tona makoce otoiyohi en Jesus Messiya iś iyepi kin Itancan kiyapi, qa unkiś eya Itancan unkiyapi caje kin hoyeyakiyapi kin wowapi unnicagapi.

I. Korinth 7:22

Tuwe wowidake un kin he Itancan kico kinhan, hee Itancan kin on tawa ic̣iya; qa nakun tuwe tawa ic̣iye cin hecen kicopi kinhan he Messiya wowidake tawa kin hee.

Kolosse 3:25

Tuka tuwe śicaya econ kinhan, he eciyatanhan icu kta, qa wicaśta itohnake iwanyakapi kin wanica.

Kolosse 4:1

Unkan, itancan yaunpi kin, tona wowidake wicaduhapi kin hena, taku owotanna qa iyecetu kin wicaqu po; maḣpiya ekta wanji Itancan yayapi yanke cin he sdonyayapi.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Jakob 2:8

Wowapi kin eciyatanhan, woope iyotan waśte, Nikiyedan un kin niye inihdacin waśteyadake kta ce, eyapi kin he ecen ecanonpi kinhan, tanyan ecanonpi kta.

Jakob 5:4

Wanyaka po, tona maga nitawapi abaksapi wokajuju hnaye ayanicapi kin he howaya; qa tona aguyapi baniciksapi qon hoyeyapi kin he Sabaoth Itancan noge kin en hiyoḣpaya.