Ephesos 5:9 - Dakota Wowapi Wakan Kin

⁹ Woniya tawaskuyeca kin he wowaśte owasin, qa wicoowotanna, qa wowicake kin en un:

Ephesos 5:9 ပူးပေါင်းရင်းမြစ်များ

Mattheos 3:8

Heon etanhan ihduecetupi kta iyececa waskuyeca icaḣya po:

Johannes 1:47

Jesus Nathanael en u wanyake c̣a he on heya; Wanyaka po, Israel wicaśta ḣinca wan he dee, wicahnaye wanin un ce.

Roma 15:14

Mihunkawanji niyepi on awacin manka, wowaśte onijupidan, qa wosdonye owasin on oju niyanpi, hecen otoiyohi wahokonyeciciyapi kta oyakihipi.

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Ephesos 4:15

Tuka wowaśtedake en iewicaunkapi kta, hecen tuwe wicapa kin ee, Messiya hee en taku owasin on unkicagapi kta.

Ephesos 4:25

Heon etanhan, itonpi śni kin ayaśtanpi, qa otoiyohi wicaśta tokeca kici wowicake ece ohdaka po; otoiyohi huha yeciciyapi kin heon.

Ephesos 6:14

Heon wowicake ipiyag kitonpi ecen najin po, qa wicoowotanna maza maku akaḣpe kin koyaka po.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Kolosse 3:18

Qa winoḣinca kin, nihihnapi kin wicihukuya un po, Itancan kin en hecetu kin he iyececa.

I. Timotheos 6:11

Tuka Wakantanka wicaśta tawa kin he niye, hena taku kin nakicipa wo; wicoowotanna, Wakan tanka ohodapi, wacinyanpi, wacautkiyapi, wacintankapi qa wowaḣbadan, hena akita wo.

Hebrew 1:8

Tuka Cinhintku kin heciya, Wakantanka, oiyotanke nitawa kin he owihanke wanica; nitokiconze mazasagye kin he mazasagye owotanna;

Hebrew 11:33

Hena wacinyanpi kin eciyatanhan wokiconze kin ohiyapi, wicoḣan owotanna oḣanyanpi, wahoyapi kin icupi, mnaja kin iohmusyapi;

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.