Ephesos 5:5 - Dakota Wowapi Wakan Kin

⁵ He de sdonyayapi, tuwe wawiciḣaḣapi econ, qa tuwe waaśape cin, qa tuwe waicucukte cin, he wakagapi cekiya ece, hena wanjidan eśta Messiya qa Wakantanka kici tokiconze kin en takudan tawapi kte śni.

Ephesos 5:5 ပူးပေါင်းရင်းမြစ်များ

Olianyanpi kin 20:32

Hunkawanjinciyapi, nakaha Wakantanka iś iye, qa towaonśida oie kin en aciupi; he icaḣniyanpi, qa tona ska wicakagapi kin owasin om taku yuhe niciyapi kta e okihi.

Olianyanpi kin 8:21

Wicoie kin de en oyape śni qa takudan nitawa śni; Wakantanka itokamya nicante kin owotanna śni.

Galatia 5:19

Wicaceḣpi wicoḣan kin taninyan un; Wawiciḣaḣapi, wiinaḣmanpi, waaśapapi, wicaśtapi śni;

Galatia 5:21

Winawizipi, tin wicaktepi, witkopi, qa witkoya wacipi, qa taku tona hecece cin hena ee; wanakaja ociciyakapi kin he iyecen nakaha eciciyapi, Tona taku hececa econpi kin hena Wakantanka tokiconze kin tawapi kte śni.

Ephesos 5:3

Tuka wiinaḣmanpi, qa waaśapapi, qa waicucupikte cin, niyepi ekta caje yatapi śni nunwe, tuka tona owotanna un taku iyokipi wicaye cin hena.

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

I. Timotheos 6:10

Taku śica owasin hutkan kin he mazaska waśtedakapi kin hee; he wanjikji inaḣnipi, qa on wacinyanpi kin etanhan iyaye yapi, qa wicokakije ota on caic̣ipapi.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

Hebrew 13:4

Owasin en wakan kiciyuzapi kin he woyuonihan, qa ohehdepi aśamyapi śni kin; tuka wicawihomnipi qa wawiciḣaḣapi econpi kin hena Wakantanka wicayaco kta.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.

Wayuotanin 22:15

Tuka śunka, qa tona wapiyapi sa, qa wiinaḣmanpi sa, qa wawiciḣaḣapi econpi sa, qa wakagapi ohodapi sa, qa tuwe itonśni waśtedake c̣a econ kin hena tankan yakonpi ece.