Ephesos 5:3 - Dakota Wowapi Wakan Kin

³ Tuka wiinaḣmanpi, qa waaśapapi, qa waicucupikte cin, niyepi ekta caje yatapi śni nunwe, tuka tona owotanna un taku iyokipi wicaye cin hena.

Ephesos 5:3 ပူးပေါင်းရင်းမြစ်များ

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 16:14

Unkan Pharisee kin wakonpi kin, hena owasin naḣonpi; qa wowiḣayapi.

Olianyanpi kin 15:20

Tuka wakagapi on aśapapi kin, qa wiinaḣmanpi kin, qa we, qa taku weye śni yuṭapi kin, hena itehan yeic̣iyapi kta e wowapi wicunkicagapi kta.

Olianyanpi kin 20:33

Tuwe mazaska, qa mazaskazi, qa wokoyake tawa kin wakon śni.

Roma 1:29

Hena e woaḣtani owasin, wiinaḣmanpi, wicośice, waicucupi kte cin, qa oḣinyanpi on iyatahdepi; winawizipi, tin wicaktepi, wakinicapi, wohnaye, qa wocanniye on ojupidan.

Roma 16:2

He Itancan kin on iyowinyakiyapi kta, tona owotanna un kin iyececa, qa taku on i kin he en token ecayeconpi cin kinhan ecen okiya po. Iye kin wicota owicakiye c̣a miye nakun omakiya ece.

Roma 6:13

Qa nihuhapi kin hena wicoḣan śica en woaḣtani wowinyunye, kta e qupi śni po, tuka wicaṭe cin etanhan ni un kin iyecen Wakantanka ic̣ic̣u po, qa nihuhapi kin wicoowotanna en Wakantanka wowinyunye kiya po.

I. Korinth 10:8

Qa wiinaḣmanpi kin econkupi kte śni, iś iyepi wanjikji econpi qon iyececa; qa anpetu wanjidan en kektopawinge wikcemna nonpa sanpa kektopawinge yamni iḣpayapi.

I. Korinth 5:1

Niyepi ekta wawiciḣaḣapi yukan keyapi; qa wawiciḣaḣapi kin he iyececa Ikcewicaśta kin ekta cajeyatapi śni, wanji iye atkuku tawicu kin yuze kte cin.

I. Korinth 6:13

Woyute kin he wicatezi kin kicagapi, qa wicatezi kin iś woyute kicagapi, tuka henioza Wakantanka ihang ye kta. Unkan wicatancan kin he wiinaḣmanpi on kagapi śni, tuka he Itancan kin kicagapi, qa Itancan kin he iś wicatancan kin tawa kta.

I. Korinth 6:18

Wiinaḣmanpi kin nakicipa po. Woaḣtani wicaśta econ kin owasin wicatancan kin itankan un, tuka tuwe wiinaḣman kinhan he iye tancan kin en waic̣iḣtani.

II. Korinth 12:21

Qa okinni ekta wau kinhan, niyepi kin en Wakantanka mitawa kin iyokiśin maye kta, qa tona wanna woaḣtani econpi, qa taku aśape cin, wiinaḣmanpi, qa wicawihomnipi econpi kin on iyopeiciyapi śni kin hena awicawakiceye kta naceca, he kowakipa.

Ephesos 5:12

Hena taku naḣmana econpi kin caie yatapi kin he wowiśtece.

Ephesos 5:5

He de sdonyayapi, tuwe wawiciḣaḣapi econ, qa tuwe waaśape cin, qa tuwe waicucukte cin, he wakagapi cekiya ece, hena wanjidan eśta Messiya qa Wakantanka kici tokiconze kin en takudan tawapi kte śni.

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

I. Thessalonike 4:3

Wakantanka niyuecepidan kin he tawacin kin he dee, wiinaḣmanpi kin en nihdoyapi kte śni;

I. Thessalonike 4:7

Waaśapapi kin ekta Wakantanka unkicopi śni, tuka unyuecepidan kte cin heon.

I. Timotheos 2:10

Tuka wicoḣan waśte kin hena, taku winoḣinca tona Wakantanka awacinpi kin iyokipipi kin hee.

I. Timotheos 3:3

Miniśa en iyeiciye śni, waawicape śni, mazaska nina akite śni; tuka wacintanka, wacinko śni, waicucu wacin śni;

I. Timotheos 6:10

Taku śica owasin hutkan kin he mazaska waśtedakapi kin hee; he wanjikji inaḣnipi, qa on wacinyanpi kin etanhan iyaye yapi, qa wicokakije ota on caic̣ipapi.

II. Timotheos 3:2

Hehan wicaśta kin waśteic̣idapi kta, mazaska waśtedakapi, wamnaic̣idapi, waḣanic̣idapi, hunkakeyapi kin anawicakigoptanpi śni, wapidapi śni, owotanpidan śni;

Titos 1:11

Hena iohmus wicayapi kta iyececa; hena e qe tiyohnaka ocowasin yaptanyan iyewicayapi, qa mazaska waḣteśni kin on taku iyecetu śni kin onspewicakiyapi ece.

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Titos 2:3

Qa winoḣinca tankapi kin iś eya winoḣinca waśte iyecen oḣanyanpi kta, waaiapi kte śni, miniśa ota en iyeic̣iyapi kte śni, qa taku waśte onspe wicakiyapi kta:

Hebrew 12:16

Okinni wicawihomni wan yuke kta, qa taku wakan ohoda śni, Esa iyececa, he watokapa kin taku yutapi onśpadan iyopekiya.

I. Inyan 5:2

Wakantanka optaye tawa ehna yaunpi kin he wonwicaya po; econ niciyapi kin iyecece śni, tuka iyokipiya awanwicadakapi kta; woyuha śica kin on etanhan śni, tuka tawacin waśte on ecanonpi kta:

II. Inyan 2:10

Tuka tona woaśamye cantiheyapi kin en wicaceḣpi eciyatanhan manipi, qa wokiconze waḣtedapi śni kin hena iyotan: hena waḣanic̣idapi qa wamnaic̣idapi ece; qa tona tankapi kin wicayaśicapi kokipapi śni.

II. Inyan 2:14

Iśta yukanpi wiinaḣmanpi kin on ojudan qa woaḣtani ayuśtanpica śni; wicanagi kacegya unpi kin hena wicahnayanpi ece; cante wawicakipi e ecewakta kin heca yuhapi, wicotakuniśni cincapi kin:

II. Inyan 2:3

Qa waicu wacinpi kin eciyatanhan wicoie skuyn on wiyopeniyanpi kta; hena e wicayacopi kin wanakajatanhan en awicau, qa ihangwicayapi kte cin he ḣba śni.

Wayuotanin 2:14

Tuka taku wanjikjidan iyacionpa; Balaam hee Balak Israel cinca kin taku on waḣtani ic̣iyapi kte cin wicitokam ehde kin he onapekiye c̣a, taku wakagapi wakiyuśnapi kin yutapi, qa wiinaḣmanpi econpi kta, he tawoonspe tona yuhapi kin hena wicaduha;

Wayuotanin 2:21

Unkan he wawiciḣaḣapi econ kin on iyopeic̣iye kta e anpetu waqu, tuka iyopeic̣iye śni.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.

Wayuotanin 22:15

Tuka śunka, qa tona wapiyapi sa, qa wiinaḣmanpi sa, qa wawiciḣaḣapi econpi sa, qa wakagapi ohodapi sa, qa tuwe itonśni waśtedake c̣a econ kin hena tankan yakonpi ece.

Wayuotanin 9:21

Qa nakun tinwicaktepi, qa wapiyapi, qa wiinaḣmanpi, qa wamanonpi econpi kin on iyopeic̣iyapi śni.