Ephesos 5:2 - Dakota Wowapi Wakan Kin

² Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

Ephesos 5:2 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Johannes 13:34

Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

Roma 4:25

Iye waunḣtanipi kin on wicaqupi, qa owotanna unyawapi kte cin on ake najinkiyapi qon.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Roma 8:37

Tuka hena taku kin owasin en, tuwe canteunkiyapi qon he eciyatanhan, tanyan ohiye unyakonpi.

I. Korinth 16:14

Taku nitawapi kin owasin wacantkiyapi on econpi nunwe.

I. Korinth 5:7

On napoḣyapi tannike cin eḣpeya po; hecen aguyapi teca qa napoḣye śni yaunpi kta. Messiya wohduze unkitawapi kin he iye kaeś unkiyepi on wośnapi.

II. Korinth 2:14

Wakantanka, ohinniyan Messiya on ohiye unyanpi, qa ohinniyan unkiyepi kin on tawosdonye woomna yaotanin kin, hee wopida yuha nunwe.

II. Korinth 2:15

Wakantanka ekta, Messiya on woomna waśte kin he unkiyepi, tona wiconi yuhapi kta, qa nakun tona yutakunipi kte śni kin hena en.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

Ephesos 1:4

He en maka kagapi kin itokam unkaḣnigapi qon iyececa, unwakanpi kta qa iye itokam wowaśte en iyaonpepica śni unyakonpi kte cin heon:

Ephesos 3:17

Hecen wacinyanpi onnicantepi kin mahen Messiya ounye kta;

Ephesos 3:19

Qa Messiya towaśte okaḣnihpica śni kin he sdonyayapi kte, hecen Wakantanka toojudan kin ocowasin ojuniyanpi kte.

Ephesos 4:15

Tuka wowaśtedake en iewicaunkapi kta, hecen tuwe wicapa kin ee, Messiya hee en taku owasin on unkicagapi kta.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Ephesos 5:15

Hecen on wakta po, itonpeya mayanipi kta, witkotkoke cin iyecece śni, tuka wicaśta wacin ksape cin iyececa.

Ephesos 5:25

Wicaśta, winoḣinca nitawapi kin cantewicakiya po, Messiya okodakiciye kin waśte kidake c̣a, on iye ic̣ic̣u kin he iyecen;

Philippi 4:18

Tuka owasin mduhe c̣a wijica waun; niyepi etanhan taku Epaphroditos maqu kin hena iwacu, taku waśtemna wośna waśte, qa Wakantanka iyokipi kin heca he iwamaśeca.

Kolosse 3:14

Qa taku owasin akantanhan wocantekiye kic̣un po, he wicoowotanna iyakaśke cin ee.

I. Thessalonike 4:9

Hunkawanjinkiciyapi waśtekicidakapi kin on wowapi cicagapi kta iyecece śni. Otoiyohi waśte yecidakapi kta he niś niye Wakan tanka etanhan onnispepi.

I. Timotheos 2:6

He iye atayedan owasin opewicakiton kta e ic̣ic̣u, anpetu tawa kin waayatanin kte cin heon.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 8:3

Wawayuśna otoiyohi taku kicic̣upi, wośnapi ko wayuśna kta e kagapi; heon wicaśta kin de iś eya taka wayuśna hduhe kta e hecetu.

Hebrew 9:14

Sam iyeya Messiya, Woniya owihanke wanice cin eciyatanhan, Wakantanka en iyaonpepica śni waihduśna qon, he iye we kin, wiconṭe wicoḣan kin etanḣan nagi nipakintapi kta, Wakantanka ni un kin wowidag niyanpi kte cin heon.

Hebrew 9:23

Heon etanhan, hena taku kin on, taku maḣpiya ekta un iyacinpi kin pakintapi kta e hecetu; tuka taku maḣpiya ekta un kin hena e qe taku sanpa waśte wośnapi kin on.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

I. Inyan 4:8

Qa taku owasin isanpa niye iyakitedan nina cantekiciya po; wacantkiyapi kin he woaḣtani ota akaḣpe kta.

I. Johannes 3:16

Deciyatanhan wacantkiyapi kin sdonunyanpi; iye kin unkiyepi on wiconi eḣpekiye cin heon; hecen unkiś eya hunkawanjinkiciyapi kin on wiconi eḣpeunkiyapi kta iyececa.

I. Johannes 3:23

Unkan tawoahope kin he dee, Iye Cinhintku Jesus Messiya caje kin wacinunyanpi, qa otoiyohi waśteunkicidapi kta, econ unśipi qon iyececa.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 5:9

Qa odowan teca wan ahiyayapi, qa heyapi; Wowapi kin iyacu, qa ipuspe kin duḣdoke kta e iyenihantu ce, waniyuśnapi qa Wakantanka ekta niwe kin on opeunyakitonpi, wicoun otoiyohi etanhan, qa iapi kin, qa wicowazi kin, qa oyate kin otoiyohi etanhan;