Ephesos 4:6 - Dakota Wowapi Wakan Kin

⁶ Taku Wakan wanjidan, he owasin Ateyapi kin, owasin iwankam un, qa owasin opta un, qa niyepi owasin en niunpi kin.

Ephesos 4:6 ပူးပေါင်းရင်းမြစ်များ

Mattheos 6:13

Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Mattheos 6:9

Heon etanhan kaken cekiya po; Ate unyanpi maḣpiya kin en; Nicaje wakandapi kte;

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Roma 11:36

Iye etanhan, qa iye eciyatanhan, qa iye ohna taku owasin un; owihanke wanin wowitan kiciun nunwe.

I. Korinth 12:6

Qa wicoḣan toktokeca; tuka Wakantanka kin e okonwanjidan, iye owasin en taku owasin owicakiciḣan.

I. Korinth 8:6

Tuka unkiye, Taku Wakan wanjidan Ateyapi kin hee unhapi, he etanhan taku owasin u, qa he en unkiye unyakonpi; qa Jesus Messiya Itancan kin wanjidan, he on taku owasin un qa he eciyatanhan unkiyepi.

II. Korinth 6:16

Qa tipi wakan Wakantanka tawa kin he wakagapi kin kici token un kta he. Wakantanka ni un tipi wakan tawa kin he niyepi. Wakantanka heye ciqon he iyececa; Hena om wati kta, qa om mawani kta. Hena Wakantanka mayanpi kta, qa mitaoyate kin hena eepi kta ce.

Ephesos 1:21

Wokiconze owasin, qa wowaśake, qa wookihi, qa itancankiyapi, qa wicacaje caje yatapi kin owasin, wiconi kin de en hecedan śni, wiconi u kte cin he nakun, hena iwankam tehan wankantuya ekihde:

Ephesos 2:22

He ohna niyepi nakun ptaya tinicagapi, Woniya kin eciyatanhan, Wakantanka tipi ye kte cin heon.

Ephesos 3:17

Hecen wacinyanpi onnicantepi kin mahen Messiya ounye kta;

Ephesos 6:23

Hunkawanjin kiciyapi kin en wookiye un nunwe, qa wowaśte, wowacinye ko, Wakantanka Ateyapi, qa Jesus Messiya Itancan kin eciyatanhan.

I. Johannes 3:24

Tuwe tawoahope kin opecinhan, he Wakantanka kici un, qa iś iye kin en un; unkan Woniya unqupi kin he eciyatanhan iye unkicipi un kin he sdonunyanpi ece.