Ephesos 4:5 - Dakota Wowapi Wakan Kin

⁵ Itancan wanjidan, wowacinye wanjidan, baptera wanjidan,

Ephesos 4:5 ပူးပေါင်းရင်းမြစ်များ

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

Roma 3:30

Tuwe wacinyanpi on bakiḣdayapi kin yaowotanna kte, qa wacinyanpi eciyatanhan bakiḣdayapi śni kin owotanna yawa kte cin he Wakantanka wanjidan.

I. Korinth 1:13

Messiya yukinukan ehnakapi he; niyepi kin on Palos cansusbeca kin en okatanpi he; qa iś Palos caje on baptem nic̣upi he.

I. Korinth 1:2

Wakantanka taokodakiciye Korinth ekta un qa Jesus Messiya on ecepidan kta, wakan wicakaḣnigapi kin hena eepi, qa tona makoce otoiyohi en Jesus Messiya iś iyepi kin Itancan kiyapi, qa unkiś eya Itancan unkiyapi caje kin hoyeyakiyapi kin wowapi unnicagapi.

I. Korinth 12:13

Woniya wanjidan on, unkiye owasin wicatancan wanjidan kta e baptem unqupi, Juda qa Helenes oyate, wowidake un kin, tona tawa ic̣iyapi kin hena koya; qa owasin Woniya wanjidan kin he en wayatke unkiyapi.

I. Korinth 12:5

Qa waeconpi kin okonwanjidan śni, tuka Itancan kin e wanjidan.

I. Korinth 8:6

Tuka unkiye, Taku Wakan wanjidan Ateyapi kin hee unhapi, he etanhan taku owasin u, qa he en unkiye unyakonpi; qa Jesus Messiya Itancan kin wanjidan, he on taku owasin un qa he eciyatanhan unkiyepi.

II. Korinth 11:4

Tuwe en niupi kin he Jesus tokeca wan unkiye unkoyakapi śni kin he oyaka, qa Woniya tokeca, iyacupi śni qon, he nakaha iyacupi, qa wotanin waśte tokeca, anayagoptanpi śni qon he oniciyakapi kinhan, iyowinyakiyapi kta.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Ephesos 4:13

Tohan owasin okonwanjidan wacinyanpi, qa Wakantanka Cinhintku sdonyapi kin ekta, qa wicaśta tanka Messiya toojudan kin iyehankeca iyutapi kin ekta iyounhipi kte cin hehanyan.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

Titos 1:4

Titos, witaya wacinyanpi kin he eciyatanhan cinkśiwaye cin; Wowaśte, wowaonśida, wookiye ko, Wakantanka Ateyapi kin etanhan, qa Jesus Messiya Itancan Wanikiya unhapi kin eciyatanhan kiciun nunwe.

Hebrew 13:7

Tona awannihdakapi, Wakantanka oie kin oniciyakapi kin hena wicakiksuya po, hena wicoḣan ihanke kin he awacin po, qa wacinyanpi qon he en opa po:

Hebrew 6:6

Hena ayuśtanpi hecinhan, ake piya iyopeic̣iye wicakiyapi kte cin he okihipica śni; iye atayedan Wakantanka Cinhintku can susbeca en piya okatanpi, qa taninyan wowiśtenyapi kin heon etanhan.

Jakob 2:18

Han, tuwe heye kta; Niye wacinyan yaun, qa miye wicoḣan mduha; hecen wacinyaye cin he nioḣan codan makipazo wo, kinhan mioḣan kin on wacinwaye cin he cicipazo kta ce.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

Judas 1:20

Tuka waśtecicidapi kin, niś niyepi wowacinye iyotan wakan nitawapi kin he ohna icaḣic̣iyapi, qa Woniya Wakan kin eciyatanhan wocekiye eya po;

Judas 1:3

Waśtecicidapi kin, wiconi ptaya unhapi kin on aic̣iciya wowapi cicagapi eca, wowacinye ehanna wicaśta wakan wicaqupi qon he nina yakitanpi kta e un wowapi cicagapi, qa wahokonciciyapi kta iyececa.