Ephesos 4:2 - Dakota Wowapi Wakan Kin

² Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Ephesos 4:2 ပူးပေါင်းရင်းမြစ်များ

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Markos 9:19

Unkan waayupte c̣a hewicakiya; Wicoicage wicada śni, tohanyan cicipi waun kta; tohanyan iyowinciciyapi kta he. En makau po.

Olianyanpi kin 20:19

Tawacin ocowasin waḣbayedan waun, Itancan kin ohowada, iśtamnihanpe ota, qa taku wawiy utanyan un kin, Juda oyate naḣmana iyamapepi kin on mahiyahde kin hena koya.

Roma 15:1

Unkiye waunśakapi kin tona waśake śni un sutaya wacinyanpi śni kin on wacinuntankapi kta, qa iyokipiunkicṭiyapi kte śni.

I. Korinth 13:7

Taku owasin kajuju; taku owasin wicada; taku owasin ape; qa taku owasin iyowinyan.

Galatia 6:2

Otoiyohi waqinpi kin kicic̣in po, hecen Messiya toope kin tanyan eoetu yayapi kta.

Ephesos 1:4

He en maka kagapi kin itokam unkaḣnigapi qon iyececa, unwakanpi kta qa iye itokam wowaśte en iyaonpepica śni unyakonpi kte cin heon:

Kolosse 1:11

Iye towitan wowaśake kin eciyatanhan, wicookihi kin owasin on waśagniyanpi kta, wadiwicatake cin owasin on etanhan, qa wacin tankapi, wiyuśkinpi kici:

I. Timotheos 6:11

Tuka Wakantanka wicaśta tawa kin he niye, hena taku kin nakicipa wo; wicoowotanna, Wakan tanka ohodapi, wacinyanpi, wacautkiyapi, wacintankapi qa wowaḣbadan, hena akita wo.

II. Timotheos 2:25

Qa tona tokaic̣iya unpi kin hena iwahnana wahokonwicakiye kta, okinni Wakantanka ihduecetupi wicaqu kta, hecen wowicake kin iyukcanpi kta.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

I. Inyan 3:15

Tuka nicantepi kin en Wakantanka Itancan kin wakanda po; qa tuwe wowacinye en niunpi kin on iniwangapi kinhan, waḣbayedan kokipeyahan aduptapi kta e ohinniyan wiyeya yanka po;

I. Inyan 3:8

Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.