Ephesos 4:1 - Dakota Wowapi Wakan Kin

¹ Heon etanhan miś miye Itancan caje on makaśkapi, ceciciyapi ce, Wicakicopi on nieopi kin he iyacinyan mayanipi kte.

Ephesos 4:1 ပူးပေါင်းရင်းမြစ်များ

Olianyanpi kin 9:31

Hehan okodakiciye kin Juda makoce kin owancaya, qa Gelile, qa Samaria ekta wookiye yuhapi, qa icagapi; qa Itancan kin kokipeyahan manipi, qa Woniya Wakan wicakicanpte cin en unpi, qa hecen ihduotapi.

Roma 11:29

Wakantanka taku wicaqu qa wicakico kin hena iyopeic̣iyapi wanin un.

Roma 12:1

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

I. Korinth 4:16

Heon etanhan ceciciyapi ce, ecen omicipa po.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 5:20

Heon Messiya on wawiciyapi kin unkiyepi, unkiyepi eciyatanhan Wakantanka ceniciyapi kin iyececa, Messiya caje on ceunniciyapi, Wakantanka kici okiciciya po.

II. Korinth 6:1

Heon iye kici ḣtaunnipi iyecen, niyepi nakun ceunniciyapi ce, ituḣ Wakantanka towaonśida kin iyacupi kte śni.

Galatia 4:12

Mihunkawanji, ceciciyapi ce; Miś waun kin iyecen un po; niye yaunpi kin iyecen waun, taku śica takudan ecamiyeconpi śni.

Ephesos 2:10

Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.

Ephesos 3:1

Heon Ikcewicaśta kin niyepi on etanhan, Palos, Jesus Messiya on kaśka hnakapi kin he miye.

Ephesos 4:17

Heon kaken epe c̣a Itancan kin on mdaotanin; Ikcewicaśta tokeca wicotawacin witkotkopi kin en manipi kin he iyecen mayanipi kte śni.

Ephesos 4:4

Wicatancan wanjidan qa Woniya nakun wanjidan; nicopi kin en wowacinye wanjidan inicopi kin he iyececa;

Ephesos 5:2

Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Philippi 3:14

Tuka taku wanji ecamon, taku hekta un kin hena akiktonś waun, qa taku tokata un kin hena ekta nape yewakiya ece; hecen oinajinta awaimnanka, Jesus Messiya on Wakantanka wankantuya wicakico kin en oqipe kin yewakiye kte cin heon etanhan.

Kolosse 1:10

Hecen taku iyokipi kin owasin on, Itancan kin en tanyan mayanipi kta, wicoḣan waśte owasin en, waskuyeca icaḣyayapi, qa Wakantanka sdonyapi kin en sanpa inicagapi kta.

Kolosse 2:6

Token Jesus Messiya Itancan kin iyacupi qon he iyecen ohna mani po.

Kolosse 4:12

Epaphras enitanhanpi kin, Messiya taokiye kin hee nape niyuzapi; he ohinniyan wocekiye en, niyepi on nina cekiya, Wakantanka tawacin kin owasin en, owotanna, qa ecedan nayajinpi kte cin heon.

I. Thessalonike 2:12

Wakantanka iye tokiconze, qa towitan kin en nicopi kin, he iyokipiya mayanipi kte cin heon.

II. Thessalonike 1:11

Qa heon etanhan ohinniyan niyepi on ceunkiyapi, Wakantanka wicakico kin de iyehantu niyawapi kta, qa niyepi en iye towaśte oiyokipi kin ocowasin, qa wowaśake on wacinyanpi wicoḣan kin he nakun hduśtan kta.

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

Titos 2:10

Takudan naḣmana icupi śni, qa wacinyanpi waśte ocowasin en ihdutaninpi kta. Hecen taku owasin on, Wakantanka Wanikiya unhapi kin tawoonspe kin he tanyan yuhapi kta.

Hebrew 13:21

Iye tawacin kin ecen ecanonpi kta e, wicoḣan waśte owasin en niyusutapi kte, qa taku iye iśta kin en oiyokipi kin ecaniconpi kta, Jesus Messiya eciatanhan; he wowitan owihane wanica kicihan nunwe.

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

I. Inyan 2:11

Waśtecicidapi, ceciciyapice, oyate tokeca qa unhdaka unpi kin iyecen wicaceḣpi cantiheyapi kin, wicanagi kin kici kicize cin, hena ayuśtan po:

I. Inyan 3:9

Taku śica on itkom taku śica econpi śni po; qa nicigepi eśta wicakigepi śni po; tuka itkopatanhan wayawaśte po; heon nicopi, hecen woyawaśte tawayayapi kta e sdonya po.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

II. Inyan 1:3

Iye towaśake wakan kin he taku on wiconi qa woohodapi kte cin owasin unqupi kin he iyececa, tuwe wowitan qa wookihi on unkicopi kin he sdonyapi kin eciyatanhan.

II. Johannes 1:5

Unkan nakaha, Kuria, ceciya ce, woahope teca wan cicage cin iyecece śni, tuka wanji otokahe ekta unhapi qon, otoiyohi canteunkiciciyapi kte cin hee.