Ephesos 3:9 - Dakota Wowapi Wakan Kin

⁹ Qa wowiyukcan kin otokahe wanin ehantanhan Wakantanka, taku owasin Jesus Messiya on kage cin, he en naḣmanpi qon hee takodakiciyapi kin he owasin sdonye wicawakiye kta.

Ephesos 3:9 ပူးပေါင်းရင်းမြစ်များ

Mattheos 10:27

Taku otpaza en ociciyakapi kin he anpa en daotaninpi kta; qa taku noge on nayaḣonpi kin he tipi akaḣpe kin etanhan eyanpaha odakapi kta.

Mattheos 13:35

Hecen wicaśta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anaḣmanpi kin he omdake kta ce.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 10:30

Miye, qa Atewaye cin unwanjipidan, eya.

Johannes 5:17

Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 5:19

Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.

I. Korinth 2:7

Tuka wowiyukcan en Wakantanka toksape kin he unkoyakapi ece; eqe naḣmanpi qon, woicage śni itokam wowitan unkitawapi kte cin heon, Wakantanka wakiconze ciqon.

Ephesos 1:4

He en maka kagapi kin itokam unkaḣnigapi qon iyececa, unwakanpi kta qa iye itokam wowaśte en iyaonpepica śni unyakonpi kte cin heon:

Ephesos 3:2

Niyepi on Wakantanka towaonśida wicoḣtani maqupi kin he nayaḣonpi hecinhan;

Ephesos 6:19

Qa nakun miye on, iapi owakihi kte cin heon, hecen waditagya i wahdukawa, qa wotanin waśte wowiyukcan kin omdake kta.

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

Kolosse 1:26

Taku oyakapi śni kin, wicoicage qa wicoun ota kin ehantanhan anaḣmanpi kin, he nakaha tona owotanna iye tawa wicaye cin hena owicakiyaka.

Kolosse 3:3

Niṭapi, qa nitowiconi kin he Messiya kici, Wakantanka en naḣmanpi.

Kolosse 4:3

Qa unkiye on wocekiye unkeyeciyapi kta, Wakantanka iapi tiyopa wan unkiciyuḣdokapi kta, Messiya tawowiyukcan kin unkoyakapi kta, on makaśkapi kin hee:

II. Thessalonike 2:13

Tuka mihunkawanji, Itancan waśtenidakapi kin, niyepi on unkiye ohinniyan Wakantanka wopida unkekiciyapi kta, otokaheya tanhan Woniya wicayuecedan, qa wowicake wicadapi kin on, Wakantanka yanipi kta e on nicaḣnigapi kin heon etanhan.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

II. Timotheos 4:17

Tuka hececa eśta, Itancan kin mici inajin, qa waśagmaye, c̣a hecen miye on woyakapi kin tanyan sdonyapi kta, qa Ikcewicaśta kin owasin naḣonpi kta; qa mnaja i kin etanhan emahdakupi.

Titos 1:2

Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

I. Inyan 1:20

Iye qe maka kin de kagapi śni itokam wakiconzapi, tuka anpetu ihankeya kin dena en yutaninpi, niyepi kin on;

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 14:6

Hehan maḣpiya ohnihde tokeca wan maḣpiya cokaya kinyan iyaye cin he wanmdaka, wotanin waśte owihanke wanin un kin, tona maka akan unpi kin, wicaśta kin, qa wicowazi, qa iapi, qa oyate hiyeye cin owasin ieyanpaha owicakiyake kta yuha iyaya.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.

Wayuotanin 4:11

Itancan, wowitan, qa wootanin, qa wowaśake iyacu kta e iyenihantu, taku owasin yakage c̣a nitoiyokipi kin on owasin kagapi qa ecen han.